ആത്മനിര്‍ഭര്‍ ഭാരത് പദ്ധതിയുടെ ഫയര്‍ ടിവി സ്റ്റിക്ക് ആമസോണ്‍ നിര്‍മിക്കും!
രാജ്യത്ത് ആത്മനിര്‍ഭര്‍ ഭാരത് പദ്ധതിയുടെ ഭാഗമായി ആമസോണ്‍ ഫയര്‍ ടിവി സ്റ്റിക്ക് നിര്‍മിക്കും. കേന്ദ്ര ഇലക്‌ട്രോണിക് ആന്‍ഡ് ഇന്‍ഫര്‍മേഷന്‍ ടെക്‌നോളജി മന്ത്രി രവിശങ്കര്‍ പ്രസാദാണ് ഇത് സംബന്ധിച്ച്‌ അറിയിച്ചത്. ആമസോണ്‍ ഫോക്‌സ്‌കോണിന്റെ നിര്‍മാണ പ്ലാന്റിലാകും ടിവി സ്ട്രീമിങ് ഡിവൈസ് നിര്‍മിക്കുക. ഈ വര്‍ഷം അവസാനത്തോടെ ചെന്നൈയ്ക്കു പുറത്തുള്ള പ്ലാന്റിലാകും നിര്‍മാണം തുടങ്ങുക.
രാജ്യത്തെ ഉപഭോക്താക്കളുടെ ആവശ്യം കണക്കിലെടുത്താണ് ഇന്ത്യയില്‍ തന്നെ ഡിവൈസ് നിര്‍മിക്കാന്‍ തീരുമാനിച്ചതെന്ന് ആമസോണ്‍ വക്താവ് പറഞ്ഞു. ഐഫോണ്‍ നിര്‍മിക്കുന്ന വിദേശകമ്ബനിയാണ് ഫോക്‌സ്‌കോണ്‍. ഈയിടെയായിരുന്നു കമ്ബനി രാജ്യത്ത് പ്ലാന്റ് തുറന്നത്.
