ഇത്തിസലാത്ത് വരിക്കാർക്ക് യു.എ.യിൽ 5 G സ്ഥിര സേവനങ്ങളുമായി എത്തുന്നു
അബൂദബി: യു.എ.ഇയിലെ ഇത്തിസലാത്ത് വരിക്കാര്‍ക്ക് ഫിക്‌സഡ് നെറ്റ്വര്‍ക്കുകളില്‍ 5ജി സൂപ്പര്‍ഫാസ്റ്റ് വേഗം വീടുകളില്‍ ലഭിക്കും. ഉയര്‍ന്ന ബാന്‍ഡ് വിഡ്ത്ത് 4കെ വിഡിയോകളും ക്ലൗഡ് അധിഷ്ഠിത ഗെയിമിങ്ങും ആസ്വദിക്കാം. കോവിഡ് പകര്‍ച്ചവ്യാധിയുടെ സമയത്ത് വെര്‍ച്വല്‍ റിയാലിറ്റി പോലുള്ള സാങ്കേതികവിദ്യകളുടെ ആവശ്യകത ത്വരിതപ്പെടുത്തിയ സാഹചര്യത്തില്‍ 5ജി സേവനങ്ങള്‍ ഉപഭോക്തൃ സംതൃപ്തി വര്‍ധിപ്പിക്കും.
യു.എ.ഇയിലെ ഇത്തിസലാത്ത് വരിക്കാര്‍ക്ക് മികച്ച സാങ്കേതികവിദ്യയില്‍ ഉയര്‍ന്ന അടിസ്ഥാന സൗകര്യങ്ങളും എത്തിക്കുന്നതിനുള്ള നിരന്തരമായ ശ്രമത്തിെന്‍റ ഫലമായാണ് സുപ്രധാനമായ 5ജി ഫിക്‌സഡ് വയര്‍ലെസ് ആക്‌സസ് (എഫ്.ഡബ്ല്യു.എ) സൗകര്യം.
യു.എ.ഇ താമസക്കാര്‍ക്കും ബിസിനസുകള്‍ക്കും ടെലികമ്യൂണിക്കേഷന്‍സ് നവീകരണത്തിെന്‍റ അനേകം സാധ്യതകളാണ് ഇനി ലഭിക്കുകയെന്ന് ഇത്തിസലാത്ത് മൊബൈല്‍ നെറ്റ്വര്‍ക് സീനിയര്‍ വൈസ് പ്രസിഡന്‍റ് സഈദ് അല്‍ സരൂനി വ്യക്തമാക്കി.
വയര്‍ലെസ് സിഗ്നല്‍ പ്രക്ഷേപണം ചെയ്യുന്ന 5ജി ടവറുകളിലേക്ക് വയര്‍ലെസ് കണക്‌ട് ചെയ്യുന്നതിന് ഇത്തിസലാത്ത് 5ജി കസ്റ്റമര്‍ പ്രിമൈസ് ഉപകരണങ്ങള്‍ ഉപഭോക്താക്കളുടെ ഭവനങ്ങളില്‍ സ്ഥാപിക്കും.ഫൈബറിനു സമാനമായ രീതിയില്‍ ബ്രോഡ്ബാന്‍ഡ് സേവനങ്ങള്‍ നല്‍കുന്നതിന് ഉപഭോക്താക്കള്‍ക്ക് 5ജി ഉപകരണവുമായി വൈഫൈ റൂട്ടറിനെ ബന്ധിപ്പിക്കാനാവും.
