ഇനി എസ്ബിഐ വായ്പകളുടെ പലിശ നിരക്ക് കുറയും; കാരണം എന്താണ്?
പുതിയ ട്വീറ്റിലാണ് എസ്ബിഐ ഇക്കാര്യം വ്യക്തമാക്കിയത്. എംസിഎൽ ആര്‍ അധിഷ്ഠിത വായ്പകളുടെ പലിശ നിരക്ക് കുറയാൻ ഒരു വര്‍ഷം വരെ കാത്തിരിയ്ക്കണ്ടത് ഇല്ല എന്നതാണ് പ്രധാന ആകര്‍ഷണം. ഇതോടെ എസ്ബിഐ ഭവന വായ്പകളുടെ പലിശ 7 ശതമാനത്തിൽ നിന്ന് 6.95 ശതമാനമായി കുറയും.
റിസര്‍വ് ബാങ്ക് റിപ്പോ നിരക്ക് കുറയ്ക്കുമ്പോൾ ബാങ്കുകൾ റിപ്പോ അധിഷ്ഠിത വായ്പകളുടെ പലിശ നിരക്ക് കുറയ്ക്കാറുണ്ട്. എംസിഎൽആര്‍ പലിശ നിര്‍ണയ കാലാവധി കുറയ്ക്കുന്നത് കുറഞ്ഞ പലിശയുടെ പ്രയോജനം എംസിഎൽആര്‍ അധിഷ്ഠിത ലോണുകൾക്കും ലഭിയ്ക്കാൻ കാരണമാകും. ദീര്‍ഘകാലം ഒരേ നിരക്കിൽ പലിശ തുടരില്ല എന്നു ചുരുക്കം.
റിപ്പോ നിരക്ക് അടിസ്ഥാനമാക്കിയും മാര്‍ജിനൽ കോസ്റ്റ് അടിസ്ഥാനമാക്കിയും ബാങ്കുകൾ പലിശ നിരക്ക് നിശ്ചയിക്കാറുണ്ട്. വായ്പകളില്‍ന്മേല്‍ ബാങ്കുകള്‍ക്ക് ചുമത്താവുന്ന ഏറ്റവും താഴ്ന്ന പലിശ നിരക്കാണ് എംസിഎല്‍ആര്‍ ( മാര്‍ജിനല്‍ കോസ്റ്റ് ഓഫ് ഫണ്ട്‌സ് ബേസ്ഡ് ലെന്‍ഡിങ് റേറ്റ്).
