ഇനി ഒക്ടോബർ മുതൽ ടെലിവിഷൻ സെറ്റുകൾക്ക് വില ഉയരും
ന്യൂഡൽഹി: ഒക്ടോബര്‍ മുതൽ ടെലിവിഷൻ സെറ്റുകൾക്ക് വില ഉയര്‍ന്നേക്കും. ടെലിവിഷൻ ഓപ്പൺ സെൽ പാനലുകൾക്ക് അദുവദിച്ചിരുന്ന അഞ്ചു ശതമാനം ഇറക്കുമതി തീരുവ ഇളവ് സെപ്റ്റംബര്‍ 30 മുതൽ അവസാനിയ്ക്കുന്നതിനാൽ ആണിത്
പൂര്‍ണമായി നിര്‍മിച്ച പാനലുകൾ ഇറക്കുമതി ചെയ്യുന്നതിന് 50 ശതമാനത്തിലേറെ ചെലവേറും. ടെലിവിഷൻ സെറ്റുകൾക്ക് വരുന്ന അധിക തീരുവ ഉപഭോക്താക്കൾക്കും ഇരുട്ടടിയാകും. ടിവി നിര്‍മാണത്തിന് ഏറ്റവും അത്യാവശ്യമായ ഈ ഘടകങ്ങൾക്ക് നൽകേണ്ടി വരുന്ന അധിക നികുതി ടെലിവിഷൻ നിര്‍മാതാക്കൾക്കും തലവേദനയായിട്ടുണ്ട്.
സെപ്റ്റംബറോടെ ഇറക്കുമതി തീരുവയിൽ ഉള്ള ഇളവ് നിന്നാൽ ടെലിവിഷൻ സെറ്റുകൾക്ക് വില കൂട്ടാതെ നിവൃത്തി ഇല്ല എന്നതാണ് ടെലിവിഷൻ നിര്‍മാതാക്കളുടെയും നിലപാട് എന്നാണ് വിവിധ റിപ്പോര്‍ട്ടുകൾ സൂചിപ്പിയ്ക്കുന്നത്. ടെലിവിഷൻ വിലയിൽ 4 ശതമാനം വരെയാണ് വര്‍ധന പ്രതീക്ഷിയ്ക്കുന്നത്.
32 ഇഞ്ച് ടിവിസെറ്റുകൾക്ക് കുറഞ്ഞത് 600 രൂപയും 42 ഇഞ്ച് ടെലിവിഷൻ സെറ്റുകൾക്ക് 1200-1500 രൂപയുമാണ് വില കൂടുന്നത്. ഇലക്ട്രോണിക് ബ്രാൻഡുകളും ഉത്സവകാല വിൽപ്പനയ്ക്ക് തയ്യാറെടുക്കുന്നതിനിടയിലാണ് വില വില വര്‍ധനയുടെ സൂചനകൾ.
ഏതാനും മാസങ്ങളായി കൺസ്യൂമര്‍ ഡ്യൂറബിൾ ഉത്പന്നങ്ങൾക്ക് 20 ശതമാനത്തിലേറെയാണ് നഷ്ടം. കൊവിഡ് പ്രതിസന്ധി മിക്ക ബ്രാൻഡുകളുടെയും വിൽപ്പനയെ ബാധിച്ചിട്ടുണ്ട്.
