ഇനി സ്വകാര്യ മെഡിക്കല്‍ കോളേജിലേക്ക് കേരളത്തിന് പുറത്തുള്ള വിദ്യാർത്ഥികൾക്കും പ്രവേശനം നല്‍കാം
ജനറല്‍ സീറ്റുകളിലെ 15 ശതമാനം ഇവര്‍ക്കായി മാറ്റിവെക്കാം
കേരളത്തിന് പുറത്തു നിന്നുള്ള വിദ്യാര്‍ത്ഥികള്‍ക്ക് സ്വകാര്യ മെഡിക്കല്‍ കോളേജുകളില്‍ പ്രവേശനം നല്‍കാന്‍ സുപ്രീം കോടതി അനുമതി.
ജനറല്‍ സീറ്റുകളിലെ 15 ശതമാനത്തില്‍ ഇവര്‍ക്ക് പ്രവേശനം നല്‍കാം. ഒഴിവുവരുന്ന എന്‍ഐര്‍ഐ സീറ്റുകളിലും കേരളത്തിന് പുറത്തു നിന്നുള്ള വിദ്യാര്‍ത്ഥികളെ പ്രവേശിപ്പിക്കാന്‍ അനുമതിയുണ്ട്.
അന്തിമവിധി അനുസരിച്ച് ബാങ്ക് ഗ്യാരണ്ടി നല്‍കേണ്ടി വരുമെന്ന് വിദ്യാര്‍ത്ഥികളെ അറിയിക്കണം. ഇക്കാര്യത്തില്‍ 2019ല്‍ പുറപ്പെടുവിച്ച ഇടക്കാലവിധി ഈ വര്‍ഷത്തേക്കു കൂടി നീട്ടി. കേസിന്റെ അന്തിമവാദം ഒക്ടോബര്‍ 13ന് കേള്‍ക്കും.
