ഇന്ത്യയിലെ ആദ്യ കസ്റ്റമൈസബിൾ ഫോണുമായി ലാവ  

ഇന്ത്യയിലെ ആദ്യ കസ്റ്റമൈസബിള്‍ ഫോണുമായി ലാവ സ്മാര്‍ട്ഫോണ്‍ വിപണിയിലേക്ക്‌ തിരികെയെത്തുന്നു. മൈ സെഡ്, മൈ സെഡ് അപ്പ് എന്നീ പേരുകളില്‍ പുറത്തിറങ്ങാന്‍ പോകുന്ന ഈ ഫോണുകളില്‍ റാം, റോം, ക്യാമറകള്‍, നിറം എന്നിങ്ങനെ വിവിധ വിഭാഗങ്ങളിലായി 66 തരത്തിലുള്ള വേരിയന്റുകള്‍ ഉപഭോക്താക്കള്‍ക്ക് ഉണ്ടാക്കാം.

ആവശ്യാനുസരണം കസ്റ്റമൈസ് ചെയ്ത് എടുക്കാവുന്ന സൗകര്യമാണ് മൈ സെഡ്. ഫോണ്‍ വാങ്ങി ആദ്യത്തെ ഒരു വര്‍ഷത്തിനുള്ളില്‍ റാം, റോം എന്നിവ അപ്ഗ്രേഡ് ചെയ്യാവുന്ന സൗകര്യമാണ് മൈ സെഡ് അപ്പ്. രണ്ട് ജിബി മുതല്‍ 6 ജിബി വരെ റാമും 32 മുതല്‍ 128 ജിബി വരെ റോമും കസ്റ്റമൈസ് ചെയ്യാനായി തെരഞ്ഞെടുക്കാം.

ആന്‍ഡ്രോയ്ഡ് 10 ഓപ്പറേറ്റിംഗ് സിസ്റ്റത്തില്‍ പ്രവര്‍ത്തിക്കുന്ന ഇതിന് 5000 എംഎഎച്ച്‌ ബാറ്ററിയും 512 ജിബി വരെ വര്‍ധിപ്പിക്കാവുന്ന മെമ്മറിയുമുണ്ട്.