എച്ച്ഡിഎഫ്സി ബാങ്ക് ഇനി ഏറ്റവും മൂല്യമേറിയ ബ്രാൻഡുകളിൽ ഒന്നാമത്
ന്യൂഡൽഹി: ഏറ്റവും മൂല്യമേറിയ ബ്രാൻഡുകളുടെ പട്ടികയിൽ എച്ച്ഡിഎഫ്സി ബാങ്ക് ഒന്നാമത്. അതേസമയം 2019-ഉം ആയി താരതമ്യം ചെയ്യുമ്പോൾ ബാങ്കിൻെറ റാങ്കിങ് ഇടിഞ്ഞിട്ടുണ്ട്. 11 ശതമാനമാണ് റാങ്കിങ്ങിലെ ഇടിവ്. കമ്മ്യൂണിക്കേഷൻ കമ്പനിയായ ഡബ്ല്യുപിപിയും കന്താറും ചേര്‍ന്ന് തയ്യാറാക്കിയ റിപ്പോര്‍ട്ട് പ്രകാരം 2,020 കോടി ഡോളറാണ് എച്ച്ഡിഎഫ്സി ബാങ്കിൻെറ മൂല്യം.
തുടര്‍ച്ചയായ ഏഴാം വര്‍ഷമാണ് എച്ച്ഡിഎഫ്സി ബാങ്ക് മൂല്യമേറിയ ബ്രാൻഡ് എന്ന ഖ്യാതി നിലനിര്‍ത്തുന്നത്.
2014-ൽ എച്ച്ഡിഎഫ്സി ബാങ്കിൻെറ മൂല്യം 9,40 കോടി ഡോളര്‍ മാത്രമായിരുന്നതാണ് ഇപ്പോൾ 2,020 കോടി
കോടി ഡോളറായി ഉയര്‍ന്നിരിയ്ക്കുന്നത്. എൽഐസി , ടിസിഎസ് എന്നിവയാണ് തൊട്ടു പിന്നിൽ ഉള്ളത്. റിപ്പോര്‍ട്ട് പ്രകാരം എൽഐസിയുടെ മൂല്യം 1,820 കോടി ഡോളറും ടിസിഎസിൻേറത് 1,450 കോടി ഡോളറുമാണ്.
റീട്ടെയ്ൽ, ടെലികോം ബ്രാൻഡുകൾ ഇത്തവണ മികച്ച പ്രകടനം കാഴ്ച വെച്ചിട്ടുണ്ട്. ഏറ്റവും മൂല്യമേറിയ 75 ബ്രാൻഡുകളുടെ പട്ടികയിൽ ഇവയും ഇടം നേടിയിട്ടുണ്ട്. 21,600 കോടി ഡോളറാണ് ഈ ബ്രാൻഡുകളുടെ മൊത്തം മൂല്യം.
കൊവിഡ് കാലത്ത് മൊത്തത്തിൽ ബ്രാൻഡുകൾക്ക് മൂല്യം ഇടിവ് സംഭവിച്ചിട്ടുണ്ടെങ്കിലും മൂല്യം ഉയര്‍ന്ന 24 ബ്രാൻഡുകൾ ഉണ്ട്. ഇവയിൽ അഞ്ചു കമ്പനികൾ ഈ പട്ടികയിൽ പുതിയതാണ്. മറ്റുള്ള രാജ്യങ്ങളുമായി താരതമ്യം ചെയ്യുമ്പോൾ ഇന്ത്യയിലെ മൊത്തം കമ്പനികളുടെ മൂല്യം കാര്യമായി ഇടിഞ്ഞിട്ടില്ല എന്നതും ശ്രദ്ധേയമാണ്
രാജ്യത്ത് ഇപ്പോൾ ഏറ്റവും കൂടുതൽ വേഗത്തിൽ വളരുന്ന ബിസിനസ് ശൃംഖല റിലയൻസ് റീട്ടെയ്‍ലിൻേറതാണ്. 102 ശതമാനമാണ് വളര്‍ച്ച. മൂല്യമേറിയ കമ്പിനകളുടെ പട്ടികയിൽ 25-ാം സ്ഥാനമാണ് റിലയൻസ് റീട്ടെയ്‍ലിനുള്ളത്.
