എല്‍.ഐ.സിയുടെ വില്‍പന ഈ സാമ്ബത്തിക വര്‍ഷത്തിന്‍റെ നാലാം പാദത്തിലുണ്ടാവുമെന്ന് മുഖ്യ സാമ്ബത്തിക ഉപദേഷ്ടാവ് സുബ്രമണ്യന്‍ കൃഷ്ണമൂര്‍ത്തി.
ന്യൂഡല്‍ഹി: എല്‍.ഐ.സിയുടെ വില്‍പന ഈ സാമ്ബത്തിക വര്‍ഷത്തിന്‍റെ നാലാം പാദത്തിലുണ്ടാവുമെന്ന് മുഖ്യ സാമ്ബത്തിക ഉപദേഷ്ടാവ് സുബ്രമണ്യന്‍ കൃഷ്ണമൂര്‍ത്തി.പൊതുമേഖല സ്ഥാപനങ്ങളുടെ ഓഹരി വില്‍പനയിലൂടെ ഈ വര്‍ഷം 1.75 ലക്ഷം കോടി സ്വരൂപിക്കുമെന്നും അദ്ദേഹം പറഞ്ഞു. എയര്‍ ഇന്ത്യയുടെ സ്വകാര്യവല്‍ക്കരണ പ്രവര്‍ത്തനങ്ങള്‍ മുന്നോട്ട് പോവുകയാണെന്നും അദ്ദേഹം വ്യക്തമാക്കി.ഭാരത് പെട്രോളിയത്തിന്‍റെ സ്വകാര്യവല്‍ക്കരണവും നാലാം പാദത്തില്‍ നടക്കും. ഈ വര്‍ഷം സ്വകാര്യവല്‍ക്കരണത്തിന്‍റെ ചരിത്രത്തില്‍ വലിയ പ്രാധാന്യം അര്‍ഹിക്കുന്ന വര്‍ഷമായിരിക്കും. ഗോള്‍ഡ്മാന്‍ സാച്ചസ്, സിറ്റി ഗ്രൂപ്പ്, ഗ്ലോബല്‍ മാര്‍ക്കറ്റസ് ഇന്ത്യ, നൊമുറ ഫിനാഷ്യല്‍ അഡ്വൈസറി തുടങ്ങി 10ഓളം സ്ഥാപനങ്ങളെ എല്‍.ഐ.സി ഓഹരി വില്‍പനയുടെ പ്രവര്‍ത്തനങ്ങള്‍ക്കായി സമീപിച്ചിട്ടുണ്ട്.എല്‍.ഐ.സിയുടെ വില്‍പനക്കുള്ള നിയമോപദേശം നല്‍കുന്നതിനായി സിറില്‍ അമര്‍ചന്ദ് മംഗളദാസിനെ ചുമതലപ്പെടുത്തിയിട്ടുണ്ടെന്നും അധികൃതര്‍ വ്യക്തമാക്കി.
