ഒമാനിലെ വിദേശി ജനസംഖ്യയില്‍ കുറവ്​!!  

മസ്​കത്ത്​: ഒമാനിലെ വിദേശി ജനസംഖ്യയില്‍ കുറവ്​. മൊത്തം ജനസംഖ്യയുടെ 37.10 ശതമാനമാണ്​ വിദേശികളുടെ എണ്ണം. സെപ്​റ്റംബര്‍ നാലു​വരെയുള്ള കണക്കനുസരിച്ച്‌​ 44.16 ലക്ഷമാണ്​ ഒമാനിലെ ജനസംഖ്യ. ഇതില്‍ 16.37 ലക്ഷമാണ്​ വിദേശികളുടെ എണ്ണം. മഹാമാരിയെ തുടര്‍ന്നുള്ള വിദേശികളുടെ കൊഴിഞ്ഞുപോക്കി​െന്‍റ ഫലമായി കഴിഞ്ഞ രണ്ടുവര്‍ഷ കാലയളവിനിടയില്‍ ഒമാനിലെ മൊത്തം ജനസംഖ്യയില്‍ അഞ്ച്​ ശതമാനത്തിലേറെ കുറവാണ്​ ഉണ്ടായതെന്നും ദേശീയ സ്​ഥിതിവിവര കേന്ദ്രത്തി‍െന്‍റ റിപ്പോര്‍ട്ടില്‍ പറയുന്നു.2017ല്‍ 20 ലക്ഷത്തിനു​ മുകളില്‍ അഥവാ മൊത്തം ജനസംഖ്യയുടെ 40 ശതമാനത്തിനു​ മുകളിലായിരുന്നു വിദേശികളുടെ എണ്ണം. തുടര്‍ന്നുളള വര്‍ഷങ്ങളില്‍ വിദേശികളുടെ എണ്ണത്തില്‍ ക്രമമായ കുറവ്​ രേഖപ്പെടുത്തുകയായിരുന്നു. ആഗസ്​റ്റ്​​ 21 മുതല്‍ സെപ്​റ്റംബര്‍ നാലുവരെയുള്ള രണ്ടാഴ്​ച മാത്രം 17912 വിദേശികള്‍ ഒമാന്‍ വിട്ടതായും ദേശീയ സ്​ഥിതിവിവര കേന്ദ്രത്തി​െന്‍റ കണക്കുകള്‍ വ്യക്​തമാക്കുന്നു. ഏറ്റവും പുതിയ കണക്കു​പ്രകാരം 11.02 ലക്ഷം വിദേശികള്‍ സ്വകാര്യ മേഖലയിലും 39306 പേര്‍ സര്‍ക്കാര്‍ മേഖലയിലുമാണ്​ ജോലിയെടുക്കുന്നത്​​.വിദേശി തൊഴിലാളികളുടെ കുടുംബാംഗങ്ങളും ആശ്രിതരുമായി 2.41 ലക്ഷം പേരുമുണ്ട്​. മസ്​കത്ത്​ ഗവര്‍ണറേറ്റിലാണ്​​ കൂടുതല്‍ വിദേശ തൊഴിലാളികള്‍ ഉള്ളത്​. 5.28 ലക്ഷമാണ്​ ഇവിടെ എണ്ണം. യാത്രവിലക്കിനുശേഷം ആളുകള്‍ തിരിച്ചെത്തുന്നതിനൊപ്പം സമ്ബദ്​വ്യവസ്​ഥയിലെ ഉണര്‍വി​െന്‍റ ഫലമായി കൂടുതല്‍ തൊഴിലവസരങ്ങളും സൃഷ്​ടിക്കപ്പെടുന്നതോടെ ഒമാനിലെ വിദേശികളുടെ എണ്ണം വര്‍ധിക്കുമെന്ന്​ ചൂണ്ടിക്കാണിക്കപ്പെടുന്നു.