ഒമാൻ വാണിജ്യ മന്ത്രാലയം ഇനി ഓഫർ, ഡിസ്കൗണ്ട് വിൽപനകൾക്കെതിരെ ശക്തമായി മുന്നോട്ട്
ഓഫര്‍, ഡിസ്കൗണ്ട് വില്‍പനകള്‍ക്കെതിരെ മുന്നറിയിപ്പുമായി ഒമാന്‍ വാണിജ്യ മന്ത്രാലയം.മുന്‍കൂര്‍ അനുമതിയില്ലാതെ ഡിസ്കൗണ്ട് വില്‍പനകള്‍ പ്രഖ്യാപിക്കരുതെന്ന് മന്ത്രാലയം സ്ഥാപനങ്ങളോടും കമ്ബനികളോടും ആവശ്യപ്പെട്ടു.
അനുമതി വാങ്ങാതെ ചില കമ്ബനികളും സ്ഥാപനങ്ങളും സാമൂഹിക മാധ്യമങ്ങളിലൂടെ പ്രൊമോഷനല്‍ ഓഫറുകളും ഡിസ്കൗണ്ട് വില്‍പനകളും നടത്തുന്നത് ശ്രദ്ധയില്‍പെട്ടിട്ടുണ്ടെന്ന് മന്ത്രാലയം പ്രസ്താവനയില്‍ അറിയിച്ചു. പ്രൊമോഷനല്‍ ഓഫറുകളെ നിയന്ത്രിക്കുന്നതിനായുള്ള നിയമങ്ങളുടെ ലംഘനമാണിത്. ഇക്കാര്യത്തില്‍ നിയമ നടപടി സ്വീകരിക്കുമെന്നും മന്ത്രാലയം അറിയിച്ചു.
