ഓണ്‍ലൈന്‍ ഭക്ഷ്യവിതരണത്തിന്റെ സമയം എട്ടു മണിവരെ നീട്ടി സര്‍ക്കാര്‍.
തിരുവനന്തപുരം: ഹോട്ടലുകളിൽ നിന്ന് പാകം ചെയ്ത വസ്തുക്കളുടെ വിതരണത്തിനുള്ള സമയം ദീർഘിപ്പിക്കുമെന്ന് സർക്കാർ ഉത്തരവ്. നിലവിൽ വൈകീട്ട് അഞ്ചു മണിവരെയാണ് സമയം ഇത് എട്ടു മണിയായി ഉയർത്തിയിട്ടുണ്ട്.
അവശ്യവസ്തുക്കൾ വിൽക്കുന്ന കടകൾക്കൊപ്പമാണ് ഹോട്ടലുകൽക്കും പ്രവർത്തിക്കാനുള്ള ഉത്തരവ് നൽകിയിരിക്കുന്നത്. നിലവിൽ അതിന്റെ പ്രവർത്തന സമയം ഏഴു മുതൽ വൈകീട്ട് അഞ്ചുവരെയാണ്. എന്നാൽ ഓൺലൈൻ വഴി ഭക്ഷണ വിതരണം നടത്തുന്ന ഹോട്ടലുകൾക്ക് എട്ടു മണി വരെ പ്രവർത്തിക്കാനുള്ള ഇളവ് നൽകിക്കൊണ്ടാണ് സർക്കാർ ഉത്തരവ് ഇറക്കിയിരിക്കുന്നത്.
കടകൾ അഞ്ചു മണിക്ക് തന്നെ അടയ്ക്കണം. എന്നാൽ ഓൺലൈൻ വഴിയുള്ള ഭക്ഷണ വിതരണത്തിനായുളള കൗണ്ടർ വൈകീട്ട് എട്ടു മണി വരെ പ്രവർത്തിപ്പിക്കാം. എന്നാൽ ഓൺലൈൻ വഴി ഭക്ഷണം വിതരണം ചെയ്യുന്ന ഓൺലൈൻ സെല്ലർമാർ ഒമ്പതു മണിക്ക് മുമ്പ് അവരുടെ സേവനം അവസാനിപ്പിക്കണം എന്ന് പുതിയ ഉത്തരവിൽ പറയുന്നു.
