ഓൺലൈനിൽ പൊരിഞ്ഞ വ്യാപാര യുദ്ധം!
ന്യൂഡല്‍ഹി: ഈ ദീപാവലിക്കാലത്ത് ഓണ്‍ലൈനില്‍ പൊരിഞ്ഞ വ്യാപാര യുദ്ധത്തിന് അരങ്ങൊരുങ്ങി. ഇന്ത്യയിലെ ഏറ്റവും വിപുലമായ വാണിജ്യ സീസണാണ് ദീപാവലിക്കാലം.
ഫ്ളിപ്കാര്‍ട്ട്, ആമസോണ്‍, ജിയോ മാര്‍ട്ട് തുടങ്ങി വമ്പന്മാരും ചെറുകിടക്കാരും വമ്ബന്‍ ഡിസ്കൗണ്ട് ഓഫറുകളുമായി സ്പെഷ്യല്‍ സെയില്‍ പ്രഖ്യാപിച്ചിട്ടുണ്ട്. നാളെ ആമസോണും മറ്റന്നാള്‍ ഫ്ളിപ്കാര്‍ട്ടും മെഗാസെയില്‍ ആരംഭിക്കും.
കൊവിഡ് കാലത്തും റെക്കാഡ് വില്‍പ്പനയാണ് ഓണ്‍ലൈന്‍ കമ്ബനികളുടെ പ്രതീക്ഷ. ഇന്ത്യയിലെ നമ്ബര്‍വണ്‍ ഓണ്‍ലൈന്‍ വില്‍പ്പനക്കാര്‍ അമേരിക്കന്‍ കമ്ബനിയായ ആമസോണാണ്. രണ്ടാമത് ഫ്ളിപ്പ്കാര്‍ട്ടും.
ആറ് ദിവസം വില്‍പ്പനയാണ് ഫ്ളിപ്പ് കാര്‍ട്ട് പ്രഖ്യാപിച്ചിട്ടുള്ളത്.ആമസോണ്‍ വില്പന നവംബര്‍ പകുതി വരെ തുടരും. ഇരു കമ്ബനികളും ഇന്ത്യന്‍ വിപണിയില്‍ കരുത്തുകാട്ടാന്‍ വന്‍തോതില്‍ നിക്ഷേപങ്ങളും നടത്തുന്നുണ്ട്.
