കംപ്യൂട്ടര്‍ പരിജ്ഞാനികളെ നിയമിക്കുന്നു  

വ്യാവസായിക ട്രിബ്യൂണല്‍ കോടതി കാര്യാലയത്തിലേക്ക് ഡിജിറ്റല്‍ ജോലികള്‍ക്കായി ഹാന്‍ഡ് ഹോള്‍ഡ് സപ്പോര്‍ട്ട് എഞ്ചിനീയര്‍ തസ്തികയിലേക്ക് നിയമനം നടത്തുന്നു. താല്‍ക്കാലിക നിയമനമാണ്.

ഐടി/കംപ്യൂട്ടര്‍ സയന്‍സില്‍ ബിടെക്ക് അല്ലെങ്കില്‍ എഞ്ചിനീയറിങ് ഡിപ്ലോമ ആണ് യോഗ്യത. ഓഫീസ് ഓട്ടോമേഷനിലോ ഡിജിറ്റലൈസേഷനിലോ പരിചയമുള്ളവര്‍ക്ക് മുന്‍ഗണന. 21നും 30നും ഇടയില്‍ പ്രായമുള്ളവര്‍ക്ക് അപേക്ഷിക്കാം. താല്‍പ്പര്യമുള്ളവര്‍ ഫോട്ടോ, യോഗ്യത, വയസ്സ്, പ്രവൃത്തിപരിചയം എന്നിവയുടെ പകര്‍പ്പ് സഹിതമുളള അപേക്ഷ ഇമെയില്‍ മുഖേനയോ പോസ്റ്റ് വഴിയോ സെപ്റ്റംബര്‍ 16ന് വൈകുന്നേരം 3 ന് മുമ്പ് നല്‍കണം. അപേക്ഷകന്റെ ഇമെയില്‍ ഐഡിയും മൊബൈല്‍ നമ്പറും നിര്‍ബന്ധമാണ്.

തെരഞ്ഞെടുക്കപ്പെടുന്നവര്‍ സെപ്റ്റംബര്‍ 30ന് രാവിലെ 11 മണിക്ക് തൃശൂര്‍ അയ്യന്തോള്‍ സിവില്‍ സ്റ്റേഷനിലെ ഇന്‍ഡസ്ട്രിയല്‍ ട്രിബ്യൂണല്‍ ആന്‍ഡ് എംപ്ലോയീസ് ഇന്‍ഷുറന്‍സ് കോടതി ഓഫീസില്‍ അഭിമുഖത്തിന് എത്തണം. ഇ-മെയില്‍: industrialtribunaltcr@gmail.com സംശയ നിവാരണത്തിന് 0487 2360699 എന്ന നമ്പറുമായി ബന്ധപ്പെടുക.