കാലിക്കറ്റ് സർവകലാശാല പി.ജി പ്രവേശന അപേക്ഷകൾ ക്ഷണിച്ചു.
കാലിക്കറ്റ് സര്‍വകലാശാലയിലെ ബിരുദാന്തര ബിരുദ കോഴ്‌സുകളിലേക്കുള്ള പ്രവേശനത്തിന്റെ രജിസ്ട്രേഷന് ആരംഭിച്ചു. സെപ്റ്റംബര്‍ 14 ന് വൈകുന്നേരം അഞ്ച് വരെ ഓണ്‍ലൈനായി അപേക്ഷ സമര്‍പ്പിക്കാം.
രണ്ടു ഘട്ടങ്ങളിലായാണ് അപേക്ഷ സമര്‍പ്പിക്കേണ്ടത്. ആദ്യഘട്ടത്തില്‍ ക്യാപ് ഐഡിയും പാസ്‌വേര്‍ഡും മൊബൈലില്‍ ലഭ്യമാകുന്നതിന് അടിസ്ഥാനവിവരങ്ങള്‍ നല്‍കണം. മൊബൈലില്‍ ലഭിച്ച ക്യാപ് ഐഡിയും പാസ്‌വേര്‍ഡും ഉപയോഗിച്ച് ലോഗിന്‍ ചെയ്ത് രണ്ടാംഘട്ട അപേക്ഷയും പൂര്‍ത്തിയാക്കാം. അപേക്ഷ കഴിഞ്ഞ് ഫീസ് ഓണ്‍ലൈനായി അടയ്ക്കാം. ഫിസടച്ചാല്‍ റീ-ലോഗിന്‍ ചെയ്ത് അപേക്ഷയുടെ പ്രിന്റൗട്ട് എടുത്തു സൂക്ഷിക്കുക. അപേക്ഷയുടെ പ്രിന്റൗട്ട് സര്‍വകലാശാലയില്‍ സമര്‍പ്പിക്കേണ്ട ആവശ്യമില്ല. പ്രവേശന സമയത്ത് പ്രിന്റൗട്ടും മറ്റ് അനുബന്ധ രേഖകള്‍ക്കൊപ്പം അതത് കോളേജില്‍ നല്‍കണം. മാനേജ്‌മെന്റ്, സ്‌പോര്‍ട്‌സ് എന്നീ ക്വാട്ടയില്‍ പ്രവേശനം ആഗ്രഹിക്കുന്നവര്‍ പ്രവേശനം ആഗ്രഹിക്കുന്ന കോളേജുകളിലും അപേക്ഷ നല്‍കണം. ഓണ്‍ലൈന്‍ രജിസ്ട്രേഷന് പത്ത് ഓപ്ഷന്‍ നല്‍കാം.
