കൊറോണ എഫക്റ്റ്‌: 2.7 കോടി ജോലി നഷ്ടമായി ചെറുപ്പക്കാര്‍!
കോവിഡിനെ ചെറുക്കാനുള്ള അടച്ചിടൽമൂലം രാജ്യത്തെ 20നും 30നും ഇടയിലുള്ള 2.7 കോടി ചെറുപ്പക്കാർക്ക് ജോലി നഷ്ടമായതായി റിപ്പോർട്ട്.
സെന്റർ ഫോർ മോണിറ്ററിങ് ഇന്ത്യൻ ഇക്കണോമിയാണ് ഇക്കാര്യം വെളിപ്പെടുത്തിയത്. 2020 ഏപ്രിലിലാണ് ഇത്രയുംപേർക്ക് തൊഴിൽ നഷ്ടമായത്.
അടച്ചിടൽ തുടരുകയാണെങ്കിലും ചിലമേഖലകളിൽ ഫാക്ടറികൾ പ്രവർത്തനംതുടങ്ങിയതോടെ തൊഴിലില്ലായ്മ നിരക്ക് 27.1ശതമാനത്തിൽനിന്ന് 24ശതമാനമായി കുറഞ്ഞെന്നും സിഎംഐഇയുടെ വീക്കിലി റിപ്പോർട്ട് വ്യക്തമാക്കുന്നു. മെയ് 10ന് അവസാനിച്ച ആഴ്ചയിലെ കണക്കാണിത്.
പിരമിഡ് ഹൗസ്ഹോൾഡ് സർവെ പരിശോധിക്കുകയാണെങ്കിൽ 20-24 പ്രായക്കാരിൽ 11 ശതമാനംപേർക്കാണ് തൊഴിൽ നഷ്ടമായത്. 25-29 പ്രായക്കാരിൽ 1.4 കോടി പേർക്കും ജോലി നഷ്ടപ്പെട്ടതായും സർവെ വ്യക്തമാക്കുന്നു.
