കൊവിഡ് ഇംപാക്ട്: മസ്‌ക്കറ്റിൽ നടക്കാനിരുന്ന അന്താരാഷ്ട്ര പുസ്തക മേള മാറ്റിവച്ചു
മസ്‌ക്കറ്റ്: ഇരുപത്തി ആറാമത് മസ്‌ക്കറ്റ് അന്താരാഷ്ട്ര പുസ്തകമേള മാറ്റിവച്ചതായി ഒമാന്‍ സാംസ്‌ക്കാരിക-സ്‌പോര്‍ട്‌സ് മന്ത്രാലയം അറിയിച്ചു. കൊവിഡ് വ്യാപന ഭീതി നിലനില്‍ക്കുന്ന പശ്ചാത്തലത്തിലാണ് തീരുമാനം.പുതിയ തീയതി പിന്നീട് പ്രഖ്യാപിക്കുമെന്ന് മന്ത്രാലയം അണ്ടര്‍ സെക്രട്ടറി സൈദ് ബിന്‍ സുല്‍ത്താന്‍ അല്‍ ബുസൈദി അറിയിച്ചു. പുതിയ കൊവിഡ് വൈറസ് വ്യാപന ഭീതിയുടെ പശ്ചാത്തലത്തില്‍ ജനങ്ങളുടെ സുരക്ഷ കണക്കിലെടുത്താണ് നടപടിയെന്നും അദ്ദേഹം പറഞ്ഞു. ഗള്‍ഫ് നാടുകളിലെ പ്രശസ്തമായ ബ്ക്ക് ഫെയറുകളിലൊന്നാണ് മസ്‌ക്കറ്റ് അന്താരാഷ്ട്ര പുസ്തക മേള. കഴിഞ്ഞ വര്‍ഷം ഒമാന്‍ കണ്‍വെന്‍ഷന്‍ ആന്റ് എക്‌സിബിഷന്‍ സെന്ററില്‍ നടന്ന പുസ്തക മേളയില്‍ 32 രാജ്യങ്ങളില്‍ നിന്നുള്ള 946 പ്രസാധകര്‍ പങ്കെടുത്തിരുന്നു.
