ജിയോ പുതിയ ശ്രേണിയിലുള്ള പ്രീപെയ്ഡ് പ്ലാനുകള്‍ അവതരിപ്പിച്ചു.
രാജ്യത്തെ മു‍ന്‍നിര ടെലികോം സേവനദാതാക്കളായ റിലയന്‍സ് ജിയോ പുതിയ ശ്രേണിയിലുള്ള പ്രീപെയ്ഡ് പ്ലാനുകള്‍ അവതരിപ്പിച്ചു.പുതിയ പ്ലാനുകളോടൊപ്പം 499 രൂപയുടെ ഡിസ്നി+ഹോട്ട്സ്റ്റാറിന്റെ കോംപ്ലിമെന്ററി സബ്‌സ്‌ക്രിപ്‌ഷനാണ് പുതിയ ആകര്‍ഷണം. 499 രൂപ മുതല്‍ 2599 രൂപ വരെയാണ് പുതിയ പ്രീ-പെയ്‌ഡ്‌ റീചാര്‍ജ് പ്ലാനുകള്‍.
ഡിസ്നി+ഹോട്ട്സ്റ്റാറിന്റെ എല്ലാ പരിപാടികളും ലഭിക്കും. കൂടാതെ ഡിസ്നി+ഒറിജിനല്‍സ്, ഡിസ്നി, മാര്‍വല്‍, സ്റ്റാര്‍ വാര്‍സ്, നാഷണല്‍ ജിയോഗ്രാഫിക്, എച്ച്‌ബിഒ, എഫ്‌എക്സ്, ഷോടൈം എന്നിവയുടെ പുതിയ രാജ്യാന്തര പരിപാടികളും പുതിയ പ്ലാനുകളില്‍ ലഭ്യമാണ്.
