ടി സി എസ് തങ്ങളുടെ ഓഹരി തിരികെ വാങ്ങുന്നു !  

ഇന്ത്യന്‍ ഐ.ടി ഭീമനായ ടി.സി.എസ്​ 16,000 കോടിയുടെ ഓഹരികള്‍ തിരികെ വാങ്ങുന്നു. കമ്ബനിയുടെ ഏറ്റവും പഴയ ഓഹരി ഉടമയായ ഷാപൂര്‍ജി പല്ലോന്‍ജി ഗ്രൂപ്പുമായുള്ള അഭിപ്രായ ഭിന്നതകളെ തുടര്‍ന്നാണ്​ ഓഹരികള്‍ തിരികെ വാങ്ങുന്നത്​. ടി.സി.എസില്‍ നിന്ന്​ പുറത്ത്​ ​പോകണമെന്ന്​ ഷാപൂര്‍ജി പല്ലോന്‍ജി ഗ്രൂപ്പ്​ ആവശ്യ​പ്പെട്ടിരുന്നു.

5.33 കോടി ഓഹരികളാണ്​ തിരികെ വാങ്ങുക. ഓഹരിയൊന്നിന്​ 3,000 രൂപ വിലയിട്ടാണ്​ വാങ്ങുക. ഇതിന്​ ഓഹരി ഉടമകളുടെ അനുമതി കൂടി ലഭിക്കണം. ഇത്​ ലഭിച്ച ശഷമാവും തുടര്‍ നടപടികളുമായി മുന്നോട്ട്​ പോവുക.

അതേസമയം, ടി.സി.എസി​ന്റെ രണ്ടാം പാദ ലാഭമുയര്‍ന്നിട്ടുണ്ട്​. 7,475 കോടിയായാണ്​ രണ്ടാം പാദത്തില്‍ ലാഭമുയര്‍ന്നത്​.