ടി20 എന്ന ടാബ്ലറ്റും നോകിയ ലോഞ്ച് ചെയ്തു
ഒരുകാലത്ത് ഇന്ത്യക്കാര്‍ക്ക് മൊബൈല്‍ ഫോണെന്നാല്‍ നോകിയ മാത്രമായിരുന്നു. എന്നാല്‍, ഫോണുകള്‍ സ്മാര്‍ട്ട്ഫോണുകളായി രൂപാന്തരം പ്രാപിക്കാന്‍ തുടങ്ങിയതോടെ പതിയെ പതിയെ നോകിയ വിപണിയില്‍ നിന്നും പുറത്താവാന്‍ തുടങ്ങി.സാംസങ്ങും ആപ്പിളും മുന്നില്‍ നിന്ന് നയിച്ചപ്പോള്‍ മോട്ടറോള, എല്‍ജി, സോണി തുടങ്ങിയ പല ബ്രാന്‍ഡുകളും ശക്തമായ മത്സരം നല്‍കി സ്മാര്‍ട്ട്ഫോണ്‍ വിപണിയില്‍ കുതിച്ചു. നോകിയ അതിനിടെ വിന്‍ഡോസുമായി സഹകരിച്ച്‌ ഒരു വിഫല ശ്രമവും നടത്തിയിരുന്നു.
കാലങ്ങള്‍ കഴിഞ്ഞ് ചൈനീസ് ബ്രാന്‍ഡുകള്‍ രംഗം കീഴടക്കാന്‍ ആരംഭിച്ചപ്പോള്‍ എച്ച്‌.എം.ഡി ഗ്ലോബലിെന്‍റ സഹായത്തോടെ നോകിയ ഒരു തിരിച്ചുവരവ് നടത്തി. ആന്‍ഡ്രോയ്ഡിനെ തന്നെ കൂട്ടുപിടിച്ചുള്ള അവരുടെ രണ്ടാം വരവ് പിഴച്ചില്ല എന്ന് പറയാം. സ്മാര്‍ട്ട്ഫോണുകളില്‍ മാത്രമായി ഒതുങ്ങാതെ സ്മാര്‍ട്ട് ടിവികളും ലാപ്ടോപ്പുകളും കമ്ബനി വിപണിയിലെത്തിച്ചു. ഇപ്പോള്‍ ടി20 എന്ന ടാബ്ലറ്റും നോകിയ ലോഞ്ച് ചെയ്തിരിക്കുകയാണ്. ആപ്പിളും സാംസങ്ങും വാഴുന്ന ടാബ്ലറ്റ് വിപണിയില്‍ ബജറ്റ് ടാബ് അവതരിപ്പിച്ചുകൊണ്ടാണ് നോകിയ തുടക്കം കുറിച്ചിരിക്കുന്നത്.
നോകിയ സ്മാര്‍ട്ട്ഫോണുകള്‍ പിന്തുടര്‍ന്ന് പോരുന്ന അതേ ഡിസൈനാണ് ടി20 ടാബ്ലറ്റിനും എന്ന് പറയാം. സോഫ്റ്റും റൗണ്ടഡുമായ കോര്‍ണറുകളും എഡ്ജുകളുമാണ് ടാബിന്. ഒറ്റ ക്യാമറ മൊഡ്യൂളും മധ്യഭാഗത്ത് ഒരു നോക്കിയ ബ്രാന്‍ഡിംഗും ഉള്ള വൃത്തിയുള്ള ബാക്ക് പാനലാണ് ടാബിന്. 465 ഗ്രാം ഭാരമുള്ള ടാബിെന്‍റ തിക്നസ് 7.8 എംഎം ആണ്.
ടാബില്‍ ഏറ്റവും എടുത്തുപറയേണ്ടത് ഡിസ്പ്ലേ തന്നെയാണ്. 10.4 ഇഞ്ച് വലിപ്പമുള്ള െഎ.പി.എസ് എല്‍.സി.ഡി ഡിസ്പ്ലേയുടെ റെസൊല്യൂഷന്‍ 2കെയാണ് (2000 x 1200പിക്സല്‍സ്). ഡിസ്പ്ലേയ്ക്ക് ബ്രൈറ്റ്നസ് ബൂസ്റ്റ് സവിശേഷത കൂടിയുണ്ട്. അത് പരമാവധി 400 നിറ്റ്സ് വരെ തെളിച്ചത്തില്‍ ഡിസ്പ്ലേയെ എത്താന്‍ പ്രാപ്തമാക്കും. ഡിസ്പ്ലേയ്ക്ക് സുരക്ഷയായി കട്ടിയുള്ള ഗ്ലാസാണ് നല്‍കിയിരിക്കുന്നതെന്നും നോകിയ അവകാശപ്പെടുന്നുണ്ട്. എന്നാല്‍, ഏത് ബ്രാന്‍ഡിന് കീഴിലുള്ള ഗ്ലാസാണെന്ന് പരാമര്‍ശിച്ചിട്ടില്ല. ഉദ: ഗൊറില്ല ഗ്ലാസ്. എന്തായാലും മള്‍ട്ടീമീഡിയ ഉപയോഗത്തിന് ഏറ്റവും അനിയോജമ്യമായ ടാബാണ് ടി20 എന്ന് ഉറപ്പിച്ച പറയാന്‍ സാധിക്കും.
ഡിസ്പ്ലേയ്ക്ക് അരികിലായി കാണാന്‍ കഴിയുന്ന ബെസലുകള്‍ക്ക് അല്‍പ്പം വലിപ്പം കൂടിയെന്ന് തോന്നുന്നവരുണ്ടാവും. എന്നാല്‍, ടാബ്ലറ്റ് കൈയ്യില്‍ പിടിക്കുേമ്ബാള്‍ ഡിസ്പ്ലേയില്‍ ടച്ചാവാതിരിക്കാന്‍ അത് സഹായിക്കും. മുന്നില്‍ 5 മെഗാപിക്സല്‍ കാമറയും പിന്നില്‍ 8 മെഗാപിക്സല്‍ കാമറയുമാണ് നോകിയ ടി20 ടാബില്‍ ഉള്‍പ്പെടുത്തിയിരിക്കുന്നത്. പിന്‍കാമറയ്ക്കൊപ്പം ഒരു എല്‍.ഇ.ഡി ഫ്ലാഷുമുണ്ട്.
യുനിസോക് T610 എന്ന പ്രൊസസറാണ് ടി20ക്ക് കരുത്തേകുന്നത്. രണ്ട് കോര്‍ട്ടെക്സ്-എ 75 കോറുകളും ആറ് കോര്‍ട്ടെക്സ്-എ 55 കോറുകളും അടങ്ങുന്ന ഒക്ടാ-കോര്‍ പ്രോസസ്സറാണ് ഇത്. മീഡിയം ലെവലിലുള്ള ഗെയിമിങ്ങിന് ഇൗ ചിപ്സെറ്റ് യാതൊരു ബുദ്ധിമുട്ടും സൃഷ്ടിക്കില്ല. എന്നാല്‍, സമൂഹ മാധ്യമങ്ങള്‍ അടക്കമുള്ള ആപ്പുകളും മറ്റും മികച്ച രീതിയില്‍ ഉപയോഗിക്കാന്‍ സാധിച്ചേക്കും. 4 ജിബി റാമും 64 ജിബി സ്റ്റോറേജുമാണ് ടാബിലുള്ളത്. 512 ജിബി വരെ ഇേന്‍റണല്‍ സ്റ്റോറേജ് വര്‍ദ്ധിപ്പിക്കുന്നതിനായി ഒരു സമര്‍പ്പിത SD കാര്‍ഡ് സ്ലോട്ടും ഉണ്ട്.
8,200mAh ഉള്ള വലിയ ബാറ്ററിയാണ് ടി20 ടാബ്ലറ്റിലുള്ളത്. അതിന് 18W ഫാസ്റ്റ് ചാര്‍ജിങ് പിന്തുണയുമുണ്ട്. എന്നാല്‍, ബോക്സില്‍ 10വാട്ടുള്ള ചാര്‍ജറാണ് നല്‍കിയിരിക്കുന്നത്. ടാബ് ഗംഭീര ബാറ്ററി ലൈഫ് നല്‍കുമെന്നാണ് കമ്ബനി വാഗ്ദാനം ചെയ്തിരിക്കുന്നത്.
ചാര്‍ജ് ചെയ്യുന്നതിനും ഡാറ്റ ട്രാന്‍സ്ഫര്‍ ചെയ്യുന്നതിനുമായി ഒരു യുഎസ്ബി-സി പോര്‍ട്ടും 3.5 എംഎം ഓഡിയോ ജാക്കും ഉണ്ട്. നോക്കിയയുടെ OZO ഓഡിയോ സാങ്കേതികവിദ്യയ്‌ക്കൊപ്പം ഒരു സ്റ്റീരിയോ സ്പീക്കര്‍ സജ്ജീകരണവുമുണ്ട്. ഉപകരണത്തില്‍ ഫിംഗര്‍പ്രിന്‍റ് സ്കാനര്‍ ഇല്ലെങ്കിലും, ഫെയ്സ് അണ്‍ലോക്ക് സൗകര്യം വാഗ്ദാനം ചെയ്യുന്നുണ്ട്.
ആന്‍ഡ്രോയ്ഡ് 11 ഇല്‍ പ്രവര്‍ത്തിക്കുന്ന സ്റ്റോക്ക് ആന്‍ഡ്രോയ്ഡ് യൂസര്‍ ഇന്‍ര്‍ഫേസായിരിക്കും ടാബില്‍. ടി 20 ടാബ്‌ലെറ്റിന് 2 വര്‍ഷത്തെ പ്രധാന Android അപ്‌ഡേറ്റുകളും 3 വര്‍ഷത്തെ പ്രതിമാസ സുരക്ഷാ അപ്‌ഡേറ്റുകളും ലഭിക്കുമെന്ന് നോക്കിയ പറയുന്നു. അതിനാല്‍, ആന്‍ഡ്രോയിഡ് 12 ലേക്ക് ടാബ് അടുത്ത് തന്നെ അപ്‌ഗ്രേഡുചെയ്യാനുമാകും. കൂടാതെ, ഗൂഗിള്‍ കിഡ്സ് സ്പേസ്, ഗൂഗിള്‍ എന്റര്‍ടൈന്‍മെന്റ് സ്പേസ് എന്നിവയും ടാബില്‍ ഉള്‍കൊള്ളിച്ചിട്ടുണ്ട്.
ഇനി വിലയിലേക്ക് വരാം..
ടാബിെന്‍റ വൈ-ഫൈ മാത്രമുള്ള വകഭേദത്തിന് 180 പൗണ്ടാണ് വിലയിട്ടിരിക്കുന്നത്. ഇന്ത്യയില്‍ 18,311 രൂപ വരും. എന്നാല്‍, വൈ-ഫൈയും സെല്ലുലാര്‍ പിന്തുണയുമുള്ള മോഡലിന് 200 പൗണ്ട് വിലയുണ്ട് (20,346 രൂപ). പ്രീ-ഒാര്‍ഡര്‍ തുടങ്ങിയിട്ടുണ്ട്. പ്രീ ഒാര്‍ഡര്‍ ചെയ്യുന്നവര്‍ക്ക് സ്പെഷ്യല്‍ റഗ്ഗ്ഡ് കെയ്സും ഫ്ലിപ്കവറും 50 ശതമാനം ഒാഫറില്‍ ലഭിക്കും. കൂടാതെ ടാബിെന്‍റ ഷിപ്പിങ് ഒക്ടോബര്‍ 11ന് ആരംഭിക്കും. അതേസമയം, ഇൗ ടാബ് ഇന്ത്യയില്‍ എപ്പോഴാണെത്തുക എന്ന കാര്യത്തില്‍ ഒരു വിവരവും ലഭ്യമല്ല.
