നവംബറിലെ വാഹന വില്പന കണക്കുകൾ പുറത്ത് ;സ്വിഫ്റ്റ് ഒന്നാം സ്ഥാനത്ത്  

2020 നവംബര്‍ മാസത്തിലെ വാഹന വില്‍പ്പന കണക്കുകള്‍ പുറത്തുവന്നിരിക്കുകയാണ്. ഒക്ടോബറിലെ ശക്തമായ വില്‍പ്പനയുമായി താരതമ്യപ്പെടുത്തുമ്ബോള്‍, നവംബറില്‍ കാര്‍ വില്‍പ്പനയില്‍ ഇടിവ് രേഖപ്പെടുത്തി.മാരുതിയുടെ ജനപ്രിയ ഹാച്ച്‌ബാക്കായ സ്വിഫ്റ്റാണ് പട്ടികയില്‍ ഒന്നാം സ്ഥാനത്ത്. 18,498 യൂണിറ്റുകള്‍ വിറ്റഴിച്ച മാരുതി സ്വിഫ്റ്റ് ഇന്ത്യയിലെ ഏറ്റവും കൂടുതല്‍ വിറ്റഴിക്കപ്പെട്ട കാറായി മാറി. എന്നാല്‍ കഴിഞ്ഞ മാസത്തെ അപേക്ഷിച്ച്‌ സ്വിഫ്റ്റ് വില്‍പ്പനയില്‍ ഗണ്യമായ ഇടിവുണ്ടായി. 2020 ഏപ്രില്‍-നവംബര്‍ കാലയളവില്‍ മാരുതി സ്വിഫ്റ്റിന്റെ മൊത്തം വില്‍പ്പന 95,382 യൂണിറ്റായി.2020 നവംബര്‍ മാസത്തില്‍ 17,872 യൂണിറ്റുകള്‍ വിറ്റ്, മാരുതി ബലേനോ പട്ടികയില്‍ രണ്ടാം സ്ഥാനത്ത് തുടര്‍ന്നു.പുതിയ ഹ്യുണ്ടായി ഐ 20, ഹോണ്ട ജാസ്, ടാറ്റ അള്‍ട്രോസ്, ടൊയോട്ട ഗ്ലാന്‍‌സ എന്നിവയാണ് ബലേനോയുടെ എതിരാളികള്‍. ഈ കാറിന് രണ്ട് എഞ്ചിന്‍ ഓപ്ഷനുകളുണ്ട്. 83 എച്ച്‌പി 1.2 ലിറ്റര്‍ പെട്രോള്‍ അല്ലെങ്കില്‍ കൂടുതല്‍ 90 എച്ച്‌പി 1.2 ലിറ്റര്‍ ഡ്യുവല്‍ ജെറ്റ് മോട്ടോര്‍. മാരുതി വാഗണ്‍ ആര്‍ ആണ് മൂന്നാം സ്ഥാനത്ത്. 16,256 യൂണിറ്റുകള്‍ വിറ്റു. 15,321 യൂണിറ്റ് വില്‍പ്പനയുമായി അള്‍ട്ടോയാണ് നാലാംസ്ഥാനത്ത്. 13,536 യൂണിറ്റുകള്‍ വിറ്റഴിച്ച്‌ അഞ്ചാം സ്ഥാനം ഡിസയര്‍ സ്വന്തമാക്കി. ഹ്യുണ്ടായ് ക്രെറ്റയും വിപണിയില്‍ മികച്ച വില്‍പ്പന നടത്തി. 2020 നവംബര്‍ മാസത്തില്‍ 12,017 യൂണിറ്റ് വില്‍പ്പന നടത്തി ആറാം സ്ഥാനമാണ് ക്രെറ്റയ്ക്ക്. കിയ സോണറ്റിനാണ് ഏഴാംസ്ഥാനം. 2020 നവംബര്‍ മാസത്തില്‍ മൊത്തം വില്‍പ്പനയുടെ കാര്യത്തില്‍ കിയയെ 50 ശതമാനം വാര്‍ഷിക വളര്‍ച്ചയിലെത്തിക്കാന്‍ സോണറ്റ് സഹായിച്ചു. 11,417 യൂണിറ്റ് വില്‍പ്പനയോടെയാണ് കിയ സോണന്റ് പട്ടികയില്‍ ഇടം നേടിയത്. എന്നാല്‍ സോണറ്റിന്റെ എണ്ണം ഒക്ടോബറുമായി താരതമ്യപ്പെടുത്തുമ്ബോള്‍ കുറഞ്ഞു.11,183 യൂണിറ്റുകള്‍ വിറ്റ മാരുതി ഈക്കോയാണ് എട്ടാംസ്ഥാനത്ത്. പട്ടികയില്‍ ഇടംപിടിച്ച രണ്ടാമത്തെ ഹ്യുണ്ടായ് കാറായ ഗ്രാന്‍ഡ് ഐ 10 ഒമ്ബതാമതെത്തി. എന്നാല്‍ 2020 ഒക്ടോബറിലെ 14,003 ല്‍ നിന്ന് നവംബറില്‍ 10,936 യൂണിറ്റായി വില്‍പ്പന കുറഞ്ഞു. മാരുതി എര്‍ട്ടിഗയാണ് പത്താംസ്ഥാനത്ത്. 9,557 യൂണിറ്റ് എര്‍ട്ടിഗകളാണ് വിറ്റത്. മാരുതി വിറ്റാര ബ്രെസയെ പട്ടികയില്‍ നിന്ന് പുറത്താക്കിയാണ് എര്‍ട്ടിഗയുടെ ഈ നേട്ടം