നോക്കിയ 10 :ഡിവൈസ് അടുത്ത വര്‍ഷത്തോടെ വിപണിയിലെത്തും!
ഇന്ത്യയില്‍ അവതരിപ്പിച്ച ഏറ്റവും പുതിയ സ്മാര്‍ട്ട്‌ഫോണുകളിലൊന്നാണ് നോക്കിയ 2.4. ഇതൊരു ബജറ്റ് സ്മാര്‍ട്ട്‌ഫോണാണ്. ഈ ഡിവൈസിന് പിന്നാലെ മറ്റൊരു സ്മാര്‍ട്ട്ഫോണ്‍ കൂടി തയ്യാറാക്കുന്ന തിരക്കിലാണ് നോക്കിയ. നോക്കിയയുടെ അടുത്ത ഡിവൈസ് ഫ്ലാഗ്ഷിപ്പ് സ്മാര്‍ട്ട്ഫോണ്‍ ആയിരിക്കുമെന്നും റിപ്പോര്‍ട്ടുകള്‍ ഉണ്ടായിരുന്നു. നോക്കിയ 10 എന്ന ഡിവൈസ് അടുത്ത വര്‍ഷത്തോടെ വിപണിയിലെത്തുമെന്നും ഈ ഡിവൈസില്‍ പുതിയ സ്നാപ്ഡ്രാഗണ് 888 ചിപ്‌സെറ്റായിരിക്കും ഉണ്ടാവുകയെന്നും പുതിയ റിപ്പോര്‍ട്ടുകള്‍ സൂചിപ്പികുന്നു. പുതിയ നോക്കിയ 10ന്റെ വിശദാംശങ്ങള്‍ ട്വിറ്ററിലൂടെ നോക്കിയ പുറത്ത് വിട്ടിട്ടുണ്ട്. ഈ ഡിവൈസ് സഫയര്‍ ഗ്ലാസ് ഡിസ്പ്ലേയായിരിക്കും ഈ ഡിവൈസില്‍ ഉണ്ടായിരിക്കുക.നോക്കിയ 10 സ്നാപ്ഡ്രാഗണ് 888 അല്ലെങ്കില്‍ 888+ ചിപ്‌സെറ്റിന്റെ കരുത്തിലായിരിക്കും പ്രവര്‍ത്തികയെന്നും സൂചനകളുണ്ട്. അതുകൊണ്ട് തന്നെ ഈ ഡിവൈസ് 2021 അവസാനം വരെ ഫോണ്‍ വിപണിയില്‍ എത്താന്‍ സാധ്യതയില്ല. ഇനിയും ഒരു വര്‍ഷത്തിന് ശേഷം മാത്രമായിരിക്കും സ്മാര്‍ട്ട്ഫോണ്‍ പുറത്തിറങ്ങുക.
ക്വാല്‍കോം സ്നാപ്ഡ്രാഗണ് 888+ ചിപ്‌സെറ്റുമായി ബന്ധപ്പെട്ട് ഇതുവരെ വിവരങ്ങളൊന്നും ലഭ്യമല്ല. അടുത്ത തലമുറ സ്നാപ്ഡ്രാഗണ് 888 പ്രോസസര്‍ കമ്ബനി ലോഞ്ച് ചെയ്തിട്ടുണ്ട്. ഈ ചിപ്പ്സെറ്റ് നിരവധി സ്മാര്‍ട്ട്ഫോണ്‍ നിര്‍മാതാക്കള്‍ തങ്ങളുടെ ഡിവൈസുകളില്‍ ഉള്‍പ്പെടുത്തുമെന്ന് ഇതിനകം പ്രഖ്യാപിച്ചിട്ടുണ്ട്. 2021ന്റെ രണ്ടാം പകുതിയില്‍ ക്വാല്‍കോം എസ്ഡി 888+ ചിപ്‌സെറ്റ് പുറത്തിറക്കുമെന്നാണ് സൂചനകള്‍. ഇതിനായി ഇനിയും കാത്തിരിക്കേണ്ടി വരും. നോക്കിയ 10 സ്മാര്‍ട്ട്ഫോണിനെ കുറിച്ച്‌ അധിക വിവരങ്ങളൊന്നും ഇതുവരെ ലഭ്യമായിട്ടില്ല. കമ്ബനി ഈ ഡിവൈസിന് ഇതേ പേര് തന്നെയാണോ നല്‍കുക എന്ന കാര്യവും വ്യക്തമാല്ല. നോക്കിയ 9 സിറോക്കോ എന്ന സ്മാര്‍ട്ട്ഫോണ്‍ പുറത്തിറക്കികൊണ്ട് നോക്കിയ 9 ഫ്ലാഗ്ഷിപ്പ് സീരിസില്‍ ഡിവൈസുകള്‍ പുറത്തിറക്കുന്നത് തുടരേണ്ടതായിരുന്നു. എന്നാല്‍ കൊറോണ വൈറസ് കാരണമുണ്ടായ ലോക്ക്ഡൌണ്‍ കാലത്ത് കമ്ബനി ബജറ്റ് സ്മാര്‍ട്ട്ഫോണുകളില്‍ ശ്രദ്ധ കേന്ദ്രീകരിച്ചു. ഇതിന്റെ ഫലമായിട്ടാണ് നോക്കിയ 2.4 പോലുള്ള അഫോഡബിള്‍ സ്മാര്‍ട്ട്‌ഫോണുകള്‍ പുറത്തിറങ്ങിയത്.
മറ്റൊരു വിധത്തില്‍ പറഞ്ഞാല്‍, എച്ച്‌എംഡി ഗ്ലോബല്‍ പുറത്തിറക്കിയ അവസാനത്തെ ഫ്ലാഗ്ഷിപ്പ് സ്മാര്‍ട്ട്ഫോണ്‍ 2019ല്‍ പുറത്തിറങ്ങിയ നോക്കിയ 9 പ്യുര്‍വ്യൂ ആയിരുന്നു. ഈ ഡിവൈസില്‍ അന്നത്തെ മുന്‍നിര സ്നാപ്ഡ്രാഗണ് 845 ചിപ്‌സെറ്റാണ് കമ്ബനി നല്‍കിയത്. നോക്കിയ 9 പ്യുര്‍വ്യൂവിന് നിലവില്‍ ഏകദേശം 30,000 രൂപയാണ് വില വരുന്നത്. പ്രീമിയം സവിശേഷതകളോടെയാണ് ഈ ഡിവൈസ് പുറത്തിറക്കിയിരിക്കുന്നത്. കരുത്തുറ്റ രൂപകല്‍പ്പനയും പെന്റ-ക്യാമറ സെറ്റപ്പുമാണ് ഈ ഡിവൈസിന്റെ മറ്റ് സവിശേഷതകള്‍. നോക്കിയ 10ല്‍ പെന്റ-ക്യാമറ സെറ്റപ്പ്, ഉയര്‍ന്ന റെസല്യൂഷന്‍ നല്‍കുന്ന പിക്‌സലുകളുള്ള ഒരു ക്വാഡ് ക്യാമറ സെറ്റപ്പ് എന്നിവയില്‍ ഏതെങ്കിലും ഉണ്ടായിരിക്കും എന്നാണ് റിപ്പോര്‍ട്ടുകള്‍. കരുത്തുറ്റ ബില്‍ഡാണ് ഈ ഡിവൈസിന്റെ മറ്റൊരു സവിശേഷത. ക്ലാസിക് നോക്കിയ ഡിസൈനും ഈ ഡിവൈസില്‍ പ്രതീക്ഷിക്കാം. മുന്‍നിര സ്നാപ്ഡ്രാഗണ് 888 ചിപ്‌സെറ്റോടെ പുറത്തിറങ്ങുന്ന നോക്കിയ 10നായി ഇനിയും ദീര്‍ഘകാലം കാത്തിരിക്കേണ്ടി വരും.
