പുതിയ ക്രെഡിറ്റ് കാര്‍ഡുകള്‍ നല്‍കുന്നത് HDFC ബാങ്കിന് ഏര്‍പ്പെടുത്തിയ വിലക്ക് നീക്കി RBI !
ന്യൂഡല്‍ഹി: പുതിയ ക്രെഡിറ്റ് കാര്‍ഡുകള്‍ നല്‍കുന്നത് എച്ച്‌.ഡി.എഫ്.സി ബാങ്കിന് ഏര്‍പ്പെടുത്തിയ വിലക്ക് നീക്കി ആര്‍.ബി.ഐ.ഇനി മുതല്‍ എച്ച്‌.ഡി.എഫ്.സി ബാങ്കിന് ക്രെഡിറ്റ് കാര്‍ഡുകള്‍ നല്‍കാമെന്നും ആര്‍.ബി.ഐ കൂട്ടിച്ചേര്‍ത്തു. ഇന്ത്യയിലെ ഏറ്റവും വലിയ സ്വകാര്യ ബാങ്കായ എച്ച്‌.ഡി.എഫ്.സിക്ക് ആശ്വാസം പകരുന്നതാണ് തീരുമാനം.
കഴിഞ്ഞ ഡിസംബറിലാണ് എച്ച്‌.ഡി.എഫ്.സിക്ക് ക്രെഡിറ്റ് കാര്‍ഡുകള്‍ നല്‍കുന്നതില്‍ വിലക്ക് വന്നത്. പുതിയ ഡിജിറ്റല്‍ ബാങ്കിങ് പ്ലാറ്റ്ഫോമായ ഡിജിറ്റല്‍ 2.0ക്കായിരുന്നു ആദ്യം വിലക്ക് ഏര്‍പ്പെടുത്തിയത്. എച്ച്‌.ഡി.എഫ്.സി ബാങ്കിന്‍റെ മൊബൈല്‍, ഇന്‍റര്‍നെറ്റ് ബാങ്കിങ് പ്ലാറ്റ്ഫോമുകളില്‍ തകരാര്‍ കണ്ടെത്തിയതിനെ തുടര്‍ന്നായിരുന്നു നിയന്ത്രണം.
കമ്ബനിയുടെ വിവരസാങ്കേതിക വിഭാഗത്തില്‍ തേര്‍ഡ് പാര്‍ട്ടി ഓഡിറ്റ് നടത്താനും ആര്‍.ബി.ഐ നിര്‍ദേശിച്ചിരുന്നു. അതിന് ശേഷം ഇതിന്‍റെ റിപ്പോര്‍ട്ട് കേന്ദ്രബാങ്കിന് നല്‍കാനും നിര്‍ദേശിച്ചിരുന്നു. കഴിഞ്ഞ ദിവസം ഓഹരി വിപണിക്ക് മുമ്ബാകെ ഈ റിപ്പോര്‍ട്ട് ആര്‍.ബി.ഐക്ക് നല്‍കിയെന്ന് എച്ച്‌.ഡി.എഫ്.സി അറിയിച്ചിരുന്നു.
