പുതിയ ഫീച്ചർ അവതരിപ്പിച്ച് വാട്സ്ആപ്പ്!  

യൂസര്‍മാര്‍ കാലങ്ങളായി ആവശ്യപ്പെട്ടു കൊണ്ടിരിക്കുന്ന ഒരു ഫീച്ചര്‍ ഒടുവില്‍ വാട്​സ്​ആപ്പ്​ അവതരിപ്പിക്കാന്‍ പോവുകയാണ്​​. യൂസര്‍മാര്‍ ഒരു മൊബൈല്‍ ഓപ്പറേറ്റിങ്​ സിസ്റ്റത്തില്‍ നിന്ന്​ മറ്റൊന്നിലേക്ക്​ മാറാന്‍ തീരുമാനിക്കുകയാണെങ്കില്‍, വോയ്‌സ് സന്ദേശങ്ങള്‍, ഫോട്ടോകള്‍, സംഭാഷണങ്ങള്‍ എന്നിവയുള്‍പ്പെടെ മുഴുവന്‍ വാട്ട്‌സ്‌ആപ്പ് ചാറ്റ് ചരിത്രവും അതിലേക്ക്​ നീക്കാനുള്ള സംവിധാനമാണ്​ വരാന്‍ പോകുന്നത്​. ഇതോടെ ആന്‍ഡ്രോയ്​ഡ്​-ഐ.ഒ.എസ് ഒാപറേറ്റിങ്​ സിസ്റ്റങ്ങളില്‍ നിന്ന്​ പരസ്​പരം വാട്​സ്​ആപ്പ്​ ചാറ്റ്​ ഹിസ്റ്ററികള്‍ കൈമാറാന്‍ സാധിച്ചേക്കും.കഴിഞ്ഞ ദിവസം നടന്ന, ഗാലക്​സി അണ്‍പാക്ക്​ഡ്​ ഇവന്‍റിലാണ്​ ‘ക്രോസ്-പ്ലാറ്റ്​ഫോം ചാറ്റ് ട്രാന്‍സ്ഫര്‍’ വരുന്നതിനെ കുറിച്ച്‌​ വാട്ട്‌സ്‌ആപ്പ് സൂചന നല്‍കിയത്​.ഇത് തുടക്കത്തില്‍ സാംസങ്ങി​െന്‍റ ഫോള്‍ഡബ്​ള്‍ ഫോണുകളായ ഗാലക്സി Z ഫോള്‍ഡ് 3, Z ഫ്ലിപ്പ് 3 എന്നിവയില്‍ മാത്രമേ ലഭ്യമാവുകയുള്ളൂ. മറ്റ് ഫോണുകളിലേക്ക്​ പിന്നീടായിരിക്കും അവതരിപ്പിക്കുക. സാംസങ്ങി​െന്‍റ ‘സ്മാര്‍ട്ട് സ്വിച്ച്‌’ ടൂളി​െന്‍റ ഭാഗമായിട്ടാണ്​ വാട്ട്‌സ്‌ആപ്പ് ചാറ്റ് മൈഗ്രേഷന്‍ എന്ന ഫീച്ചറും. നിങ്ങളുടെ പഴയ ഫോണില്‍ നിന്ന് ഷെഡ്യൂളുകള്‍, അലാറങ്ങള്‍, കോള്‍ ലോഗുകള്‍, ഫോട്ടോകള്‍ എന്നിവയും അതിലേറെയും ഡാറ്റകള്‍ കൈമാറാന്‍ അനുവദിക്കുന്നതാണ്​ ‘സ്മാര്‍ട്ട് സ്വിച്ച്‌ ടൂള്‍’. ഐഫോണില്‍ നിന്ന്​ വാട്​സ്​ആപ്പ്​ ചാറ്റുകള്‍ സാംസങ്​ ഫോണുകളിലേക്ക്​ കൈമാറാനായി ഒരു ലൈറ്റ്​നിങ്​ ടു യു.എസ്​.ബി ടൈപ്പ്​-സി കാബിള്‍ കരുതേണ്ടതുണ്ട്​. അതുപയോഗിച്ച്‌​ ഇരുഫോണുകളും കണക്​ട്​ ചെയ്യുക. നിങ്ങളുടെ വാട്ട്‌സ്‌ആപ്പ് ചാറ്റുകള്‍ മൈഗ്രേറ്റ് ചെയ്യുന്നതിന് ഒരു ക്യുആര്‍ കോഡ് സ്കാന്‍ ചെയ്യേണ്ടതായും വരും. ഐഒഎസ് 10.0 -ത്തിലും അതിനുമുകളിലും പ്രവര്‍ത്തിക്കുന്ന ഐഫോണുകളിലും ആന്‍ഡ്രോയ്ഡ് വേര്‍ഷന്‍ 10 -നോ അതിനുമുകളിലോ പ്രവര്‍ത്തിക്കുന്ന ഫോണുകളിലും ഈ സവിശേഷത ഉപയോഗപ്പെടുത്താവുന്നതാണ്​. വാട്​സ്​ആപ്പി​െന്‍റ ഏറ്റവും പുതിയ വേര്‍ഷനിലേക്ക്​ അപ്​ഡേറ്റ്​ ചെയ്യേണ്ടതായുമുണ്ട്​.