പുതുവർഷത്തിൽ പുതിയ ഫോർച്യുണറും ലെജൻഡറും അവതരിപ്പിച്ച് ടൊയോട്ട കിർലോസ്ക്കർ മോട്ടോർ  

എക്കാലത്തെയും മികച്ച (“എവര്‍-ബെറ്റര്‍ കാറുകള്‍”) നിര്‍മ്മിക്കണമെന്ന ലക്ഷ്യത്തിന് അനുസൃതമായി ടൊയോട്ട കിര്‍ലോസ്‌കര്‍ മോട്ടോര്‍ (ടി കെ എം) ഇന്ന് പുതിയ ടൊയോട്ട ഫോര്‍ച്യൂണറും പുതിയ ലെജന്‍ഡറും പുറത്തിറക്കി. ഒരു പതിറ്റാണ്ടിലേറെയായിട്ടും എസ്.യു.വി വിഭാഗത്തില്‍ ഫോര്‍ച്യൂണര്‍ ഇന്നും 53% സെഗ്മെന്‍റ് ഷെയറുമായി ആധിപത്യം തുടരുന്നു. പുതിയ ഫോര്‍ച്യൂണറില്‍ 6 സ്പീഡ് ഓട്ടോമാറ്റിക്, ഇന്റലിജന്റ് മാനുവല്‍ ട്രാന്‍സ്മിഷന്‍ ഓപ്‌ഷനുള്ള ഉള്ള 6 സ്പീഡ് മാനുവല്‍ ട്രാന്‍സ്മിഷന്‍ എന്നിവ 2.8 ലിറ്റര്‍ ഡീസല്‍ എഞ്ചിനിലും 6 സ്പീഡ് ഓട്ടോമാറ്റിക്, 5 സ്പീഡ് മാനുവല്‍ ട്രാന്‍സ്മിഷനില്‍ എന്നിവ 2.7 ലിറ്റര്‍ പെട്രോള്‍ എഞ്ചിനിലും ലഭ്യമാണ്. ഫോര്‍ച്യൂണര്‍ ഓട്ടോമാറ്റിക് ട്രാന്‍സ്മിഷന്‍ വേരിയന്റുകള്‍ 500 എന്‍.എം, 204 പി.എസ് പവര്‍ എന്നിവ ഉപയോഗിച്ച്‌ മികച്ച ഇന്‍-ക്ലാസ് ടോര്‍ക്ക് നല്‍കുന്നു.
മാനുവല്‍ ട്രാന്‍സ്മിഷന്‍ വേരിയന്റുകള്‍ 204 പി.എസ് പവറും 420 എന്‍.എം ടോര്‍ക്കും നല്‍കുന്നു.

പുതിയ ഫോര്‍ച്യൂണറില്‍ കരുത്തുള്ള ഫ്രണ്ട് ഗ്രില്‍, ശില്‍‌ചാതുരിയുള്ള സൈഡ്-പോണ്ടൂണ്‍ ഷേപ്പ്ഡ് ബംബർ തുടങ്ങിയ സവിശേഷതകള്‍ ഉണ്ട്. തീവ്രമായ എല്‍.ഇ.ഡി ലൈന്‍ ഗൈഡ്, ഡേ ടൈം റണ്ണിംഗ് ലാമ്ബുകള്‍ (ഡി.ആര്‍.എല്‍), മള്‍ട്ടി-ആക്‌സിസ് സ്‌പോക്ക് അലോയ് വീലുകള്‍ എന്നിവ സൂപ്പര്‍ ക്രോം മെറ്റാലിക് ഫിനിഷിംഗിനൊപ്പം ആഡംബര കാഴ്ചയും നല്‍കുന്നു. ഉള്‍വശത്ത്, സുപ്പീരിയര്‍ സക്ഷന്‍ ബേസ്ഡ് സീറ്റ് വെന്റിലേഷന്‍ സിസ്റ്റവും (ഫ്രണ്ട് റോ), ആന്‍ഡ്രോയിഡ് ഓട്ടോ / ആപ്പിള്‍ കാര്‍പ്ലേയുള്ള വലിയ സ്മാര്‍ട്ട് പ്ലേകാസ്റ്റ് ടച്ച്‌സ്ക്രീന്‍ ഓഡിയോയും, ജെബിഎല്‍ 11 സ്പീക്കര്‍ ഡബ്ല്യു / സബ് വൂഫര്‍ സിസ്റ്റവും (4 x 4 വേരിയന്റുകള്‍ മാത്രം) ആണ് പുതിയ ഫോര്‍ച്യൂണറിലെ പ്രധാന മാറ്റങ്ങള്‍. കൂടുതല്‍ ഡ്രൈവിംഗ് സൗകര്യത്തിനും സുഖത്തിനുമായി, പുതിയ ഫോര്‍ച്യൂണറില്‍ ഓട്ടോ ലിമിറ്റഡ് സ്ലിപ്പ് ഡിഫറന്‍ഷ്യല്‍ (ഓട്ടോ-എല്‍.എസ്.ഡി), വേരിയബിള്‍ ഫ്ലോ കണ്‍ട്രോള്‍ (വി.എഫ്‌.സ്സി) പവര്‍ സ്റ്റിയറിംഗ്, എന്നിവയുള്‍പ്പെടുത്തിയിരിക്കുന്നു. ഇത് ഡ്രൈവ് മോഡുകള്‍ (ഇക്കോ, നോര്‍മല്‍, സ്പോര്‍ട്ട് ) ഉപയോഗിച്ച്‌ സ്റ്റിയറിംഗ് ഡൈനാമിക്സ് ചലനാത്മകമായി മാറ്റാന്‍ ഉപഭോക്താക്കളെ അനുവദിക്കുന്നു. ഇടുങ്ങിയ സ്‌ഥലങ്ങളില്‍ പാര്‍ക്ക് ചെയ്യുമ്പോൾ സുരക്ഷിതമായി നാവിഗേറ്റുചെയ്യാന്‍ ഇത് സഹായിക്കും.