പുതിയ ഉത്പന്നങ്ങള്‍ മില്‍മ വിപണിയിലിറക്കി!
തിരുവനന്തപുരം: റിച്ച്‌ മില്‍ക്ക്, കോക്കനട്ട് കുക്കീസ് ഡ്രോപ്സ് എന്നീ പുതിയ ഉത്പന്നങ്ങള്‍ മില്‍മ വിപണിയിലിറക്കി. മസ്കറ്റ് ഹോട്ടലില്‍ നടന്ന ചടങ്ങില്‍ പോഷക സന്പുഷ്ടമായ ഹോമോജനൈസ്ഡ് സ്റ്റാന്‍ഡേര്‍ഡൈസ്ഡ് മില്‍മ റിച്ച്‌ പാല്‍ മന്ത്രി കെ. രാജു പ്രതിപക്ഷ നേതാവ് രമേശ് ചെന്നിത്തലയ്ക്ക് നല്‍കി വിപണനോദ്ഘാടനം നിര്‍വഹിച്ചു.സ്വാദിഷ്ടമായ മില്‍മ മില്‍ക് കോക്കനട്ട് കുക്കീസ്, മില്‍മ ഡ്രോപ്സ് എന്നിവയുടെ വിപണനോദ്ഘാടനം പ്രതിപക്ഷ നേതാവ് രമേശ് ചെന്നിത്തല മന്ത്രി കെ.രാജുവിന് നല്‍കി നിര്‍വഹിച്ചു.
മില്‍മ ബ്ലൂബറി ഐസ്ക്രീമിന്‍റെ വിപണനോദ്ഘാടനം കെടിഡിസി ചെയര്‍മാന്‍ എം. വിജയകുമാര്‍ നിര്‍വഹിച്ചു.തിരുവനന്തപുരം മില്‍മ ചെയര്‍മാന്‍ കല്ലട രമേശ് അധ്യക്ഷത വഹിച്ചു. മില്‍മ എംഡി പാട്ടീല്‍ സുയോഗ് സുഭാഷ് റാവു , ക്ഷീരവികസന ഡയറക്ടര്‍ മിനി രവീന്ദ്രദാസ് എന്നിവര്‍ പ്രസംഗിച്ചു. ഡയറക്ടര്‍ അയ്യപ്പന്‍ നായര്‍ സ്വാഗതവും ഡയറക്ടര്‍ ഗിരീഷ് കുമാര്‍ നന്ദിയും പറഞ്ഞു.
