പോസ്റ്റ് ഓഫീസ് സുകന്യ സമൃദ്ധി അക്കൗണ്ടിൽ എങ്ങനെ ഓൺലൈൻ വഴി പണം നിക്ഷേപിക്കാം?
പോസ്റ്റ് ഓഫീസ് ഒമ്ബത് തരം സേവിംഗ് സ്കീമുകള്‍ വാഗ്ദാനം ചെയ്യുന്നുണ്ട്. പബ്ലിക് പ്രൊവിഡന്റ് ഫണ്ട് (പിപിഎഫ്), സുകന്യ സമൃദ്ധി അക്കൗണ്ട് (എസ്‌എസ്‌എ) എന്നിവയാണ് പോസ്റ്റ് ഓഫീസ് സേവിംഗ് ഡെപ്പോസിറ്റ് സ്കീമുകളില്‍ പ്രധാനപ്പെട്ടവ. ഈ പദ്ധതികളില്‍ ഭൂരിഭാഗവും ആദായനികുതി നിയമത്തിലെ സെക്ഷന്‍ 80 സി പ്രകാരം നികുതി ഇളവ് നല്‍കുന്നവയാണ്.
ഓണ്‍ലൈന്‍ ഇടപാട്
ഈ അക്കൗണ്ടുകളെല്ലാം തുറക്കുന്നതിന്, നിങ്ങള്‍ ഒരു തവണ പോസ്റ്റോഫീസില്‍ നേരിട്ട് എത്തേണ്ടതുണ്ട്.അതിനുശേഷം നിങ്ങള്‍ക്ക് എല്ലാ ഇടപാടുകളും ഓണ്‍ലൈനില്‍ കൈകാര്യം ചെയ്യാന്‍ കഴിയും. നിങ്ങളുടെ പോസ്റ്റോഫീസ് പിപിഎഫ്, സുകന്യ സമൃദ്ധി അക്കൌണ്ടുകളില്‍ ഐപിപിബി വഴി പണം കൈമാറുന്നതിനുള്ള ഘട്ടം ഘട്ടമായുള്ള നടപടിക്രമങ്ങള്‍ ഇതാ:
നടപടിക്രമങ്ങള്‍
നിങ്ങളുടെ ബാങ്ക് അക്കൗണ്ടില്‍ നിന്ന് ഐപിപിബി അക്കൗണ്ടിലേക്ക് പണം ചേര്‍ക്കുക.
DOP Products ഓപ്ഷനിലേയ്ക്ക് പോകുക. പിപിഎഫ്, സുകന്യ സമൃദ്ധി അല്ലെങ്കില്‍ ആര്‍‌ഡി അക്കൌണ്ട് നമ്ബര്‍ തിരഞ്ഞെടുക്കുക.
നിങ്ങളുടെ പിപിഎഫ്, സുകന്യ സമൃദ്ധി അല്ലെങ്കില്‍ ആര്‍‌ഡി അക്കൌണ്ട് നമ്ബറും തുടര്‍ന്ന് ഡി‌ഒ‌പി ഉപഭോക്തൃ ഐഡിയും നല്‍കുക.
ഇന്‍‌സ്റ്റാള്‍‌മെന്റ് ദൈര്‍‌ഘ്യവും തുകയും തിരഞ്ഞെടുക്കുക.
ഐപിപിബി മൊബൈല്‍ ആപ്ലിക്കേഷന്‍ വഴി നടത്തിയ വിജയകരമായ പേയ്മെന്റ് കൈമാറ്റം ഐപിപിബി നിങ്ങളെ അറിയിക്കും.
ഇന്ത്യ പോസ്റ്റ് നല്‍കുന്ന വിവിധ പോസ്റ്റ് ഓഫീസ് നിക്ഷേപ ഓപ്ഷനുകള്‍ നിങ്ങള്‍ക്ക് തിരഞ്ഞെടുക്കാനും ഐപിപിബി അടിസ്ഥാന സേവിംഗ്സ് അക്കൌണ്ട് വഴി പതിവായി പണമടയ്ക്കാനും കഴിയും.
ആപ്ലിക്കേഷന്‍ ഉപയോഗിച്ച്‌ മറ്റ് ബാങ്ക് അക്കൗണ്ടുകളില്‍ നിന്ന് ഐപിപിബിയിലേക്ക് ഫണ്ടുകള്‍ മാറ്റാനും കഴിയും. പണം അയയ്ക്കുന്നതിന് മുമ്ബ്, നിങ്ങള്‍ പണം അയയ്ക്കേണ്ട വ്യക്തിയുടെ അക്കൌണ്ട് നമ്ബറും IFSC കോഡും നല്‍കണം.
സുകന്യ സമൃദ്ധി, പിപിഎഫ് പലിശ നിരക്കുകള്‍
പിപിഎഫ്, സുകന്യ സമൃദ്ധി എന്നിവയുള്‍പ്പെടെയുള്ള ചെറുകിട സമ്ബാദ്യ പദ്ധതികളുടെ പലിശ നിരക്ക് ജനുവരി-മാര്‍ച്ച്‌ പാദത്തില്‍ മാറ്റമില്ല.
പബ്ലിക് പ്രൊവിഡന്റ് ഫണ്ടിന് (പിപിഎഫ്) 7.1 ശതമാനമാണ് വാര്‍ഷിക പലിശനിരക്ക്.
നടപ്പ് സാമ്ബത്തിക വര്‍ഷത്തിന്റെ നാലാം പാദത്തില്‍ പെണ്‍കുട്ടികളുടെ സമ്ബാദ്യ പദ്ധതിയായ സുകന്യ സമൃദ്ധി യോജന 7.6 ശതമാനം നിരക്കില്‍ പലിശ വാഗ്ദാനം ചെയ്യും.
അഞ്ചുവര്‍ഷത്തെ റിക്കറിംഗ് നിക്ഷേപത്തിന്റെ പലിശ നിരക്ക് 5.8 ശതമാനമാണ്.
source: goodreturns.in
