ഫോണിൽ എടുക്കുന്ന 2ഡി ചിത്രങ്ങൾ ഇനി സിനിമാറ്റിക് 3ഡി ആക്കി മാറ്റാം, ഗൂഗിൾ ഫോട്ടോസിൽ പുതിയ ഫീച്ചർ!
ഉപയോക്താക്കളെ ഏറെ ആകര്‍ഷിയ്ക്കാന്‍ പോകുന്ന മികച്ച ഫീച്ചറുമായി രംഗത്തെത്തിയിരിയ്ക്കുകയാണ് ഗൂഗിള്‍ ഫോട്ടോസ്. 3D ഫോട്ടോസ് ഉണ്ടാക്കുക എന്നത് ഇനി ഏതൊരാള്‍ക്കും സാധിയ്ക്കുന്ന കാര്യമായി മാറും. നമ്മുടെ സ്മാര്‍ട്ട്ഫോണുകള്‍ ഉപയോഗിച്ച്‌ പകര്‍ത്തുന്ന 2D ചിത്രങ്ങളെ സിനിമാറ്റിക് 3D ആക്കി മാറ്റുന്ന ഫീച്ചറാണ് ഗൂഗിള്‍ ഫോട്ടോസ് പുതിതായി അവതരിപ്പിച്ചിരിയ്ക്കുന്നത്. ‘സിനിമാറ്റിക് ഫോട്ടോസ്’ എന്നാണ് ഈ ഫീച്ചറിന് ഗൂഗിള്‍ പേര് നല്‍കിയിരിയ്ക്കുന്നത്.ആര്‍ട്ടിഫിഷ്യല്‍ ഇന്റലിജന്‍സിലൂടെയാണ് ഗൂഗിള്‍ ഫോട്ടോസ് ഇത് സാധ്യമാക്കുന്നത്. ക്യാമറയി പകര്‍ത്തുന്ന ചിത്രങ്ങളുടെ ഡെപ്ത് തിര്‍ച്ചറിഞ്ഞ് ആ ചിത്രത്തിന്റെ 3D റപ്രസന്റേഷന്‍ പതിപ്പ് ഉണ്ടാക്കുകയും, അതിനോടൊപ്പം വെര്‍ച്വല്‍ ക്യാമറയുടെ സഹായത്തോടെ ആ ചിത്രത്തിന് ഒരു പാനിങ് മൂവ്മെന്റും നല്‍കുന്നു.ഇതോടെ 2D ചിത്രം 3D യുടെ ഭാവം കൈവരിയ്ക്കുകയായി. ഗിഫ് ഫോര്‍മാറ്റിലായിരിയ്ക്കും 3D ചിത്രങ്ങള്‍ ഉപയോക്താക്കള്‍ക്ക് ലഭിയ്ക്കുക.
