ബാങ്ക് ഇടപാടുകളിലെ തട്ടിപ്പില്‍നിന്ന് രക്ഷപ്പെടാനുള്ള വഴികളുമായി SBI
കോവിഡ് കാലത്ത് ഓൺലൈൻ ബാങ്കിങ് മേഖലയിൽ തട്ടിപ്പ് വ്യാപകമായതോടെ ശ്രദ്ധിക്കേണ്ട കാര്യങ്ങളുമായി എസ്ബിഐ. അക്കൗണ്ട് ഉടമകൾക്ക് അയച്ച ഇ-മെയിലിലാണ് ഈ കാര്യങ്ങൾ വിശദമാക്കിയിട്ടുള്ളത്.
1 ♦ ഒടിപി, ബാങ്ക് വിവരങ്ങൾ, ഇഎംഐ തുടങ്ങിയ കാര്യങ്ങൾ ചോദിച്ചുവരുന്ന എസ്എംഎസിലുള്ള ലിങ്കുകളിൽ ക്ലിക്ക് ചെയ്യരുത്.
2 ♦ തട്ടിപ്പ് പദ്ധതികളെക്കുറിച്ചോ, വൻതുക സമ്മാനമായി ലഭിച്ചെന്നതിനെക്കുറിച്ചോ വരുന്ന എസ്എംഎസുകൾ, ഇ-മെയിലുകൾ, ഫോൺ കോൾ എന്നിവ അവഗണിക്കുക. ജോലി വാഗ്ദാനം ചെയ്തും ഇത്തരം ഇ-മെയിലുകളും മറ്റും ലഭിച്ചേക്കാം.
3 ♦ബാങ്കുമായി ബന്ധപ്പെട്ട പാസ് വേഡുകൾ ഇടയ്ക്കിടെ മാറ്റുക.
4 ♦വ്യക്തിവിവരങ്ങളോ, പാസ് വേഡോ, ഒടിപിയോ ആവശ്യപ്പെട്ട് എസ്ബിഐയോ ബാങ്കിന്റെ പ്രതിനിധികളോ ഇ-മെയിൽ, എസ്എംഎസ് എന്നിവ അയയ്ക്കാറില്ല.
5 ♦ബന്ധപ്പെടാനുള്ള ഫോൺ നമ്പറുകളുംമറ്റും എസ്ബിഐയുടെ ഔദ്യോഗിക വെബ്സൈറ്റിൽനിന്നുമാത്രം ശേഖരിക്കുക. ഇന്റർനെറ്റിൽ സെർച്ച് ചെയ്ത് ഇത്തരം വിവരങ്ങൾ ശേഖരിക്കരുത്.
6 ♦തട്ടിപ്പ് ശ്രദ്ധയിൽപ്പെട്ടാൽ നിങ്ങളുടെ അടുത്തുള്ള ശാഖയിലോ പോലീസ് സ്റ്റേഷനിലോ വിവരം അറിയിക്കുക.
