ബ്ലാക്ക് ഫ്രൈഡേ സെയിൽ ഇന്ത്യയിലും !  

ബ്ലാക്ക് ഫ്രൈഡേ സാധാരണയായി അമേരിക്ക അടക്കമുള്ള രാജ്യങ്ങളില്‍ ഇ-കൊമേഴ്സ് പ്ലാറ്റ്ഫോമുകളില്‍ സെയിലുകള്‍ നടക്കുന്ന സമയമാണ്. ഇന്ത്യയിലും ഇപ്പോള്‍ ഇത്തരം സെയിലുകള്‍ നടക്കുന്നുണ്ട്. നിരവധി കമ്ബനികള്‍ ബ്ലാക്ക് ഫ്രൈഡേ സെയില്‍ നടത്തുകയും അവരുടെ ഗാഡ്‌ജെറ്റുകള്‍ ആകര്‍ഷകമായ വിലക്കിഴിവില്‍ ഉപഭോക്താക്കള്‍ക്ക് ലഭ്യമാക്കുകയും ചെയ്യുന്നു. മറ്റ് സെയിലുകളെ പോലെ തന്നെ ആപ്പിള്‍ ബ്ലാക്ക് ഫ്രൈഡേ സെയിലിലൂടെ ഐഫോണ്‍, ഐപാഡ്, മാക്ബുക്ക്, മറ്റ് ആപ്പിള്‍ പ്രൊഡക്ടുകള്‍ എന്നിവയ്ക്ക് ആകര്‍ഷകമായ ഓഫറുകള്‍ പ്രഖ്യാപിച്ചിട്ടുണ്ട്. ആപ്പിള്‍ ബ്ലാക്ക് ഫ്രൈഡേ സെയില്‍ ഇന്ത്യയില്‍ നിന്ന് നേരിട്ട് ആക്സസ് ചെയ്യാന്‍ കഴിയില്ല. ആപ്പിള്‍ സ്റ്റോറിലോ ആപ്പിള്‍ വെബ്‌സൈറ്റിലോ ഉള്ള സെയില്‍ അമേരിക്ക പോലുള്ള തിരഞ്ഞെടുത്ത രാജ്യങ്ങളില്‍ മാത്രമാണ് ലഭ്യമാവുന്നത്.ഇന്ത്യയില്‍ ഈ സെയില്‍ ആനുകൂല്യങ്ങള്‍ ഫ്ലിപ്പ്കാര്‍ട്ട്, ആമസോണ്‍ എന്നിവ നല്‍കുന്നുണ്ട്. മറ്റ് ഇ-കൊമേഴ്‌സ് പ്ലാറ്റ്ഫോമുകളിലും ഇത് ലഭ്യമാകും. ഏതെങ്കിലും ആപ്പിള്‍ പ്രൊഡക്‌ട് വാങ്ങാന്‍ ആഗ്രഹിക്കുന്ന ആളുകള്‍ക്ക് ഈ പ്ലാറ്റ്ഫോമുകളിലൂടെ ആകര്‍ഷകമായ കിഴിവുകള്‍ ലഭിക്കും. ഫ്ലിപ്പ്കാര്‍ട്ട് ബ്ലാക്ക് ഫ്രൈഡേ സെയിലിലൂടെ ഉപഭോക്താക്കള്‍ക്ക് നിരവധി ഗാഡ്‌ജെറ്റുകള്‍‌ മികച്ച വിലക്കിഴിവില്‍ സ്വന്തമാക്കാന്‍ സാധിക്കും.

ഉദാഹരണത്തിന്, ഐഫോണ്‍ എസ്‌ഇ (2020) 64 ജിബി സ്റ്റോറേജ് മോഡല്‍ ഇപ്പോള്‍ 32,999 രൂപയ്ക്ക് സ്വന്തമാക്കാന്‍ സാധിക്കും. ആപ്പിള്‍ ഇന്ത്യ സ്റ്റോറില്‍ 39,900 രൂപ വില വരുന്ന ഈ ഡിവൈസിന് 7,000 രൂപയുടെ കിഴിവാണ് ഫ്ലിപ്പ്കാര്‍ട്ട് ബ്ലാക്ക് ഫ്രൈഡേ സെയിലിലൂടെ ലഭിക്കുന്നത്. ഐഫോണ്‍ എക്സ്‌ആറും ഡിസ്കൗണ്ട് നിരക്കില്‍ ഫ്ലിപ്പ്കാര്‍ട്ടിലൂടെ സ്വന്തമാക്കാം. 64 ജിബി സ്റ്റോറേജ് ഉള്ള ഐഫോണ്‍ എക്സ്‌ആര്‍ ബേസ് മോഡല്‍ ബ്ലാക്ക് ഫ്രൈഡേ സെയിലിലൂടെ 38,999 രൂപയ്ക്ക് സ്വന്തമാക്കാം.

ബ്ലാക്ക് ഫ്രൈഡേ സെയില്‍ ആനുകൂല്യം ഇന്ത്യയില്‍ ലഭിക്കാനുള്ള ഒരു വഴി മാത്രമാണ് ഫ്ലിപ്പ്കാര്‍ട്ട്. അമേരിക്കയില്‍ നടക്കുന്ന സെയിലില്‍ നിന്നും ഇതിനേക്കാള്‍ ആകര്‍ഷകമായ ഓഫറുകളില്‍ ഡിവൈസുകള്‍ സ്വന്തമാക്കാം. അമേരിക്കയില്‍ സുഹൃത്തുക്കളോ ബന്ധുക്കളോ ഉള്ളവര്‍ക്ക് ഇതൊരു മികച്ച അവസരം തന്നെയാണ്. അമേരിക്ക അടക്കമുള്ള ചുരുക്കം ചില രാജ്യങ്ങളില്‍ ലഭിക്കുന്ന ആപ്പിള്‍ ബ്ലാക്ക് ഫ്രൈഡേ സെയിലിലൂടെ മികച്ച ആനുകൂല്യങ്ങള്‍ ലഭിക്കും. അമേരിക്കയില്‍ ആപ്പിള്‍ ബ്ലാക്ക് ഫ്രൈഡേ സെയില്‍ വളരെ കുറഞ്ഞ വിലയ്ക്ക് എയര്‍പോഡ്സ് പ്രോയുടെ വില്‍പ്പന നടത്തുന്നു. ഈ സെയിലിലൂടെ ടിഡബ്ല്യുഎസ് ഇയര്‍ബഡ്സ് 169 യുഎസ് ഡോളര്‍ (ഏകദേശം 12,600 രൂപ)യ്ക്ക് സ്വന്തമാക്കാന്‍ സാധിക്കും. സാധാരണ വിലയേക്കാള്‍ 4,000 രൂപയുടെ കുറവാണ് ഇതിന് ലഭിക്കുന്നത്. ഇതിന് പുറമേ മാക്ബുക്ക് പ്രോയ്ക്ക് 250 ഡോളര്‍ വരെ കിഴിവും (ഏകദേശം 18,440 രൂപ),മാക്ബുക്ക് എയറിന് 200 യുഎസ് ഡോളര്‍ (ഏകദേശം 14,800 രൂപ) കിഴിവും ലഭിക്കും. അമേരിക്കയില്‍ നടക്കുന്ന ആപ്പിള്‍ ബ്ലാക്ക് ഫ്രൈഡേ സെയിലിലൂടെ യുഎസില്‍ ഏറ്റവും കൂടുതല്‍ വില്‍ക്കപ്പെടുന്ന ഐപാഡ് (8th ജനറേഷന്‍) വിലക്കിഴിവില്‍ സ്വന്തമാക്കാന്‍ സാധിക്കും. ഈ ഐപാഡ് വാങ്ങുമ്ബോള്‍ നിങ്ങള്‍ക്ക് 70 യുഎസ് ഡോളര്‍ വരെ (ഏകദേശം 5,200 രൂപ) കിഴിവ് ലഭിക്കും. ഐപാഡ് എയര്‍, ഐപാഡ് പ്രോ, ആപ്പിള്‍ വാച്ച്‌ എന്നിവയ്ക്കും ഓഫറുകള്‍ ലഭിക്കും.