യൂലിപ്പ് പോളിസികളും ഇനി ഓണ്‍ലൈനിലേക്ക് മാറ്റാം!
ചെന്നൈ: യൂണിറ്റ് ലിങ്ക്ഡ് ഇന്‍ഷ്വറന്‍സ് പോളിസികളും (യൂലിപ്) ഓണ്‍ലൈനിലേക്ക് മാറ്റാവുന്ന പദ്ധതിയുമായി എല്‍.ഐ.സി. കമ്ബനിയുടെ ഓണ്‍ലൈന്‍ പോര്‍ട്ടല്‍ വഴി ഇവ ഉപഭോക്താക്കള്‍ക്ക് ഓണ്‍ലൈന്‍ ഫണ്ടാക്കി മാറ്റാം.എല്‍.ഐ.സിയുടെ ന്യൂ എന്‍ഡോവ്‌മെന്റ് പ്ളസ് (പ്ളാന്‍ 935), നിവേഷ് പ്ളസ് (പ്ളാന്‍ 849), എസ്.ഐ.ഐ.പി (പ്ളാന്‍ 852) എന്നിവയ്ക്കാണ് തുടക്കത്തില്‍ ഈ സൗകര്യം ഉപയോഗപ്പെടുത്താനാവുക. ഈ സേവനം തികച്ചും സൗജന്യമാണെന്ന് എല്‍.ഐ.സി വ്യക്തമാക്കി.ഒ.ടി.പി അധിഷ്‌ഠിത സേവനമാണിത്. ഒരുദിവസം ഒരു പോളിസി സ്വിച്ച്‌ ചെയ്യാം. ഉപഭോക്താക്കളുടെ സംശയങ്ങള്‍ പരിഹരിക്കാനായി ഇംഗ്ലീഷിനും ഹിന്ദിക്കും പുറമേ മറാത്തി, ബംഗാളി, തമിഴ് എന്നീ ഭാഷകള്‍ കൂടി ഉള്‍ക്കൊള്ളിച്ച കസ്‌റ്റമര്‍ കെയര്‍ സൗകര്യവും എല്‍.ഐ.സി ആരംഭിച്ചിട്ടുണ്ട്.
