റിലയൻസ് ജിയോ ഇൻഫോകോമിൻ്റെ അറ്റാദായം 12 ശതമാനം വർധിച്ച് 5,445 കോടി രൂപയായി
റിലയൻസ് ജിയോ ഇൻഫോകോമിന്റെ നടപ്പു സാമ്പത്തിക വർഷത്തിലെ ആദ്യപാദ അറ്റാദായം 12 ശതമാനം ഉയർന്ന് 5,445 കോടി രൂപയായി. വരുമാനം 10 ശതമാനം വർധിച്ച് 26,478 കോടി രൂപയായി. റിലയൻസ് ജിയോ ഇൻഫോകോം 2024 ജൂണിൽ അവസാനിച്ച പാദത്തിൽ അറ്റാദായത്തിൽ 2.02 ശതമാനം ത്രൈമാസിക വർധന രേഖപ്പെടുത്തി. 24 സാമ്പത്തിക വർഷത്തിലെ അവസാനപാദത്തിലെ 5,337 കോടി രൂപയിൽനിന്ന് 5,445 കോടി രൂപയായി ഉയർന്നു.
വാർഷികാടിസ്ഥാനത്തിൽ, 2024 ജൂണിൽ അവസാനിച്ച പാദത്തിൽ 24 സാമ്പത്തിക വർഷത്തിലെ 4,863 കോടി രൂപയിൽനിന്ന് അറ്റാദായത്തിൽ 12 ശതമാനം വർധനയുണ്ടായി. പ്രവർത്തനങ്ങളിൽ നിന്നുള്ള വരുമാനം മുൻ വർഷം ഇതേ പാദത്തിലെ 24,042 കോടി രൂപയിൽനിന്ന് 10.1 ശതമാനം ഉയർന്നു.മൊത്തം ചെലവ് 24 സാമ്പത്തിക വർഷത്തിലെ 18,917 കോടി രൂപയിൽനിന്ന് തുടർച്ചയായി 1.84 ശതമാനം ഉയർന്ന് 19,266 കോടി രൂപയായി. മുൻ വർഷം ഇതേ കാലയളവിലെ 17,594 കോടി രൂപയിൽനിന്ന് 9.50 ശതമാനം വർധന രേഖപ്പെടുത്തി. റിലയൻസ് ഇൻഡസ്ട്രീസിൻ്റെ ടെലികോം പ്രവർത്തനങ്ങളിൽ നിന്നുള്ള വരുമാനം 26,478 കോടി രൂപയായി.
