റിലയൻസ് റീട്ടെയ്‍ലിൽ അമേരിക്കൻ ഇക്വിറ്റി സ്ഥാപനമായ സിൽവര്‍ ലേക്ക് 100 കോടി ഡോളര്‍ നിക്ഷേപത്തിന് ഒരുങ്ങുന്നു
മുംബൈ: മുകേഷ് അംബാനിയുടെ നേതൃത്വത്തിൽ ഉള്ള റിലയൻസ് റീട്ടെയ്‍ലിൽ സിൽവര്‍ ലേക്ക്സ് പണം മുടക്കുന്നു. സ്വകാര്യ ഇക്വിറ്റി സ്ഥാപനമായ സിൽവര്‍ലേക്ക്സ് റിലയൻസ് ജിയോയിൽ മുതൽ മുടക്കും എന്ന് അറിയിച്ചിരുന്നു. സിൽവര്‍ ലേക്കിൻെറ നിക്ഷേപം എത്തിയാൽ റിലയൻസ് റീട്ടെയ്‍ലിൻെറ മൂല്യം 5700 കോടി ഡോളറായി ഉയരും കമ്പനിയുടെ 10 ശതമാനം ഓഹരികളാണ് റിലയൻസ് വിറ്റഴിയ്ക്കുന്നത് എന്നാണ് സൂചന. . ഫ്യൂച്വര്‍ ഗ്രൂപ്പ് ഏറ്റെടുത്ത് ഇന്ത്യ മുഴുവൻ റീട്ടെയ്ൽ സാന്നിധ്യം ശക്തമാക്കാൻ ഒരുങ്ങുകയാണ് കമ്പനി.
അതേസമയം സിൽവര്‍ ലേക്ക്സ് ഇതിനോട് പ്രതികരിച്ചിട്ടില്ല. റിലയൻസ് ജിയോയിലൂടെ ടെലികോം രംഗത്ത് വിപ്ലവം സൃഷ്ടിച്ചതു പോലെ റീട്ടെയ്ൽ ബിസിനസ് വിപുലീകരിയ്ക്കാൻ ഒരുങ്ങുകയാണ് അദ്ദേഹം. ഇന്ത്യയെമ്പാടും റീട്ടെയ്ൽ സാന്നിധ്യം എത്തിയ്ക്കുകയാണ് ലക്ഷ്യം.
രാജ്യത്തെ പ്രമുഖ റീട്ടയെൽ ശൃംഖലയായ ഫ്യൂച്ചർ ഗ്രൂപ്പ് റിലയൻസ് റീട്ടെയ്ൽ സ്വന്തമാക്കിയിരുന്നു. 24,713 കോടി രൂപയ്ക്കാണ് കിഷോര്‍ ബിയാനിയുടെ ഫ്യൂച്ചർ ഗ്രൂപ്പ് കമ്പനി ഏറ്റെടുത്തത്. ഇതോടെ ഫ്യൂച്ചർ ഗ്രൂപ്പിന്റെ റീട്ടെയ്ൽ, ഹോൾസെയിൽ, വെയർഹൗസിങ്, ലോജിസ്റ്റിക്സ് വിഭാഗങ്ങളെല്ലാം റിലയൻസിന് സ്വന്തമായി. റീട്ടെയ്ൽ സാന്നിധ്യം ശക്തമാക്കാൻ ഇതും സഹായകരമാകും.
കൊറോണ പ്രതിസന്ധിയ്ക്കിടയിൽ രണ്ടു മാസത്തിനുള്ളിൽ ജിയോയിൽ പത്തിൽ അധികം വിദേശ കമ്പനികൾ നിക്ഷേപം നടത്തിയിരുന്നു. ഇതോടെ രണ്ടു മാസം കൊണ്ട് മാത്രം ജിയോയിലെത്തിയ മൊത്തം നിക്ഷേപം 104,326.65 കോടി രൂപ കടന്നിരുന്നു . കമ്പനിയുടെ 22.38ശതമാനം ഓഹരികളിൽ വിദേശ കമ്പനികൾക്ക് നിക്ഷേപം ഉണ്ട്.
