വിവോ ഫോണുകളിൽ ഒറിജിൻ ഒ എസ് എത്തുന്നു!
നിലവിലുള്ള ആന്‍ഡ്രോയ്ഡ് ഒ എസ് ആയ ഫണ്‍ടച്ച്‌ ഒഎസ്സിന് പകരമായി വിവോ അവതരിപ്പിച്ച ‘ഒറിജിന്‍ ഒഎസ്’ ഏതൊക്കെ ഫോണുകളില്‍ എപ്പോള്‍ ലഭിക്കുമെന്ന് അറിയാന്‍ കാത്തിരിക്കുകയാണ് ലോകമെമ്ബാടുമുള്ള വിവോ ആരാധകര്‍. ഒടുവില്‍ വിവോ തന്നെ അതുമായി ബന്ധപ്പെട്ട വിവരങ്ങളുമായി എത്തിയിരിക്കുകയാണ്. ചൈനീസ് സോഷ്യല്‍ മീഡിയ പ്ലാറ്റ്ഫോമായ വൈബോയിലാണ് അപ്ഡേറ്റ് റോഡ്മാപ്പ് കമ്ബനി പുറത്തുവിട്ടത്.
വിവോയുടെ ഇറങ്ങാനിരിക്കുന്ന എക്സ്60 എന്ന മോഡലില്‍ ആയിരിക്കും ആദ്യമായി ഒറിജിന്‍ ഒഎസ് എത്തുക. മൂന്ന് ബാച്ചുകളിലായി ചൈനയിലുള്ള മറ്റ് വിവോ ഫോണ്‍ യൂസര്‍മാര്‍ക്ക് ഒറിജിന്‍ ഒഎസ് അപ്ഡേറ്റുകളായി നല്‍കും.ഇന്ത്യയടക്കമുള്ള മറ്റ് രാജ്യങ്ങളിലുള്ളവര്‍ക്ക് എന്നാണ് അപ്ഡേറ്റ് എത്തുക എന്ന് പ്രഖ്യാപിച്ചിട്ടില്ലെങ്കിലും വരുന്ന ആഴ്ച്ചകളില്‍ തന്നെ വിവരങ്ങള്‍ കമ്ബനി നല്‍കും. താഴെ കൊടുത്ത ലിസ്റ്റില്‍ പെട്ട ഫോണുകള്‍ ഉപയോഗിക്കുന്നവര്‍ക്ക് അപ്ഡേറ്റ് എന്തായാലും വൈകാതെ തന്നെ ലഭിക്കും
