സാംസങ് ഗാലക്സി ടാബ് A7 ഇന്ത്യയിൽ ലോഞ്ച് ചെയ്തു !
സാംസങ്ങിന്റെ ഏറ്റവും പുതിയ മിഡ്റേഞ്ച് ടാബ്ലറ്റായ ഗാലക്സി ടാബ് എ7 ഇന്ത്യയില്‍ ലോഞ്ച് ചെയ്തു. കഴിഞ്ഞ ദിവസം നടത്തിയ വെര്‍ച്വല്‍ ഇവന്‍റില്‍ പുതിയ ഗാലക്സി എ42 5ജി സ്മാര്‍ട്ട്ഫോണ്‍, ഗാലക്സി ഫിറ്റ് 2 സ്മാര്‍ട്ട്ബാന്‍റ്, 4കെ പ്രൊജക്ടര്‍ എന്നിവക്കൊപ്പമാണ് പുതിയ ടാബ്ലറ്റ് അവതരിപ്പിച്ചത്.
10.4 ഇഞ്ചുള്ള WUXGA+ (2,000 x 1,200) സ്ക്രീനാണ് ടാബ് എ7ന് നല്‍കിയിരിക്കുന്നത്. 80 ശതമാനം സ്ക്രീന്‍ ടു ബോഡി റേഷ്യോയോട് കൂടിയെത്തുന്ന ടാബ് മെറ്റാലിക് ഫിനിഷിലാണ് എന്നതും ശ്രദ്ദേയമാണ്. ഡോള്‍ബി അറ്റ്മോസോടുകൂടിയ നാല് സ്പീക്കര്‍ മികച്ച ശബ്ദാനുഭവവും നല്‍കും. ക്വാല്‍കോം സ്നാപ്ഡ്രാഗന്റെ 662 എന്ന മിഡ്റേഞ്ച് പ്രൊസസറാണ് ടാബ് എ7ന്.
3 ജിബി റാമും 32 ജിബി സ്റ്റോറേജും ഒരു ടിബി വരെയുള്ള മൈക്രോ എസ്ഡി കാര്‍ഡ് സപ്പോര്‍ട്ടും നല്‍കിയിട്ടുണ്ട്. എട്ട് മെഗാ പിക്സല്‍ പിന്‍ കാമറയും 5 മെഗാ പിക്സല്‍ മുന്‍ ക്യാമറയും 7,040mAh ഉള്ള വലിയ ബാറ്ററിയുമാണ് മറ്റുവിശേഷങ്ങള്‍.
ഗാലക്സി ടാബ് എ7ന്റർ വൈഫൈ മാത്രമുള്ള മോഡലിന്റെ പ്രാരംഭ വില 17,999 രൂപയാണ്. എല്‍.ടി.ഇ മോഡലിന് 21,999 രൂപയും നല്‍കേണ്ടി വരും. ഇന്ത്യയിലുള്ള പ്രമുഖ റീട്ടെയില്‍ ഓണ്‍ലൈന്‍ സ്റ്റോറുകളിലൂടെ ടാബ് എ7 വാങ്ങാം.
