സ്വർണ്ണ വില വീണ്ടും ഇടിയുന്നു
ഈ മാസത്തെ ഏറ്റവും കുറഞ്ഞ നിരക്കിലാണ് സ്വർണ വ്യാപാരം നടക്കുന്നത്. സെപ്റ്റംബര്‍ രണ്ടു മുതൽ ഇതേ നിരക്കിൽ സ്വര്‍ണ വില മാറ്റമില്ലാതെ തുടരുകയാണ്. അതേസമയം രാജ്യാന്തര വിപണിയില്‍ സ്വര്‍ണ വില ഉയർന്നു.
കഴിഞ്ഞ മൂന്ന് ദിവസമായി സ്വർണ വില മാറ്റമില്ലാതെ തുടരുകയായിരുന്നു. പവന് 37,800 രൂപയും ഗ്രാമിന് 4,670 രൂപയുമായിരുന്നു വില. ഒരു മാസം കൊണ്ട് പവന് 2,680 രൂപയോളമാണ് കുറഞ്ഞത്. പ്രതിസന്ധിഘട്ടത്തിൽ സ്വര്‍ണത്തെ ആശ്രയിച്ച നിക്ഷേപകര്‍ സ്വര്‍ണം വിറ്റ് ലാഭം എടുക്കുന്നതാണ് വില ഇടിവിലേയ്ക്ക് നയിച്ചത്. സുരക്ഷിത നിക്ഷേപം എന്ന നിലയിൽ സ്വര്‍ണത്തെ ആശ്രയിക്കുന്നവര്‍ കൂടുന്നതിനാൽ ദീര്‍ഘകാലാടിസ്ഥാനത്തിൽ വില ഉയരും എന്നു തന്നെയാണ് വിദഗ്ധരുടെ നിരീക്ഷണം.
സംസ്ഥാനത്ത് സ്വര്‍ണ വിലയിൽ വീണ്ടും ഇടിവ്. ഇന്ന് 120 രൂപ കുറഞ്ഞ് ഒരു പവൻ സ്വർണത്തിന് 37,360 രൂപയാണ് വില. ഗ്രാമിന് 4,670 രൂപയും. ഇതോടെ ഈ മാസത്തെ ഏറ്റവും കുറഞ്ഞ നിരക്കിലാണ് സ്വർണ വ്യാപാരം നടക്കുന്നത്. അതേസമയം രാജ്യാന്തര വിപണിയില്‍ സ്വര്‍ണ വില ഉയർന്നു. ഔൺസിന് 1,942.10 ഡോളറിലാണ് വ്യാപാരം. ഇന്നലെ 1937.55 ഡോളറിലായിരുന്നു വ്യാപാരം നടന്നത്.
ആഗസ്റ്റ് 29, 30, 31 തിയതികളിൽ സ്വര്‍ണ വില ഇടിഞ്ഞിരുന്നു. പവന് 37,600 രൂപയായി ആണ് വില കുറഞ്ഞത്. ഇതായിരുന്നു ആഗസ്റ്റിലെ ഏറ്റവും കുറഞ്ഞ വില. ഒരു പവൻ സ്വര്‍ണത്തിന് ആഗസ്റ്റ് ഏഴു മുതൽ 42,000 രൂപയും ഒരു ഗ്രാമിന് 5,250 രൂപയുമായിരുന്നു വില. സര്‍വ്വകാല റെക്കോര്‍ഡ് ആയിരുന്നു ഇത്. രാജ്യാന്തര വിപണിയിലെ സ്വര്‍ണ വിലയിലെ റെക്കോര്‍ഡ് വര്‍ധനയാണ് സ്വര്‍ണ വില ആഗസ്റ്റ് 7ന് കുത്തനെ ഉയര്‍ത്തിയത്.
പവൻ (രൂപ) ഗ്രാം (രൂപ) ഔൺസ് (ഡോളർ)
37,360 4670 1,942.10
ദിവസം പവൻ (രൂപ) ഗ്രാം (രൂപ) ഔൺസ് (ഡോളർ)
വെള്ളിയാഴ്ച 37,480 4670 1937.55
വ്യാഴാഴ്ച 37,480 4670 1946.29
