സൽമാൻ ഖാൻെറ ലാബ്രാഡര്‍, പ്രിയങ്ക ചോപ്രയുടെ ആസ്ട്രേലിയൻ ഷെപ്പേഡ്; വളര്‍ത്തു മൃഗങ്ങളും ലക്ഷ്വറി
വളര്‍ത്തു നായകളെ ഓമനിച്ചു വളര്‍ത്താൻ ഇഷ്ടമുള്ളവരാണ് മിക്കവരും. സെലിബ്രിറ്റികൾക്കുമുണ്ട് ഇത്തരം ഓമന മൃഗങ്ങൾ. വളര്‍ത്തു മൃഗങ്ങളേ പോലെ തന്നെ ഇവയുടെ ഉത്പന്നങ്ങൾക്കും ഒക്കെയുണ്ട് ഡിമാൻഡ്. പ്രിയങ്ക ചോപ്ര, ഹൃഥ്വിക് റോഷൻ, സൽമാൻ ഖാൻ, അമിതാഭ് ബച്ചൻ.. ബോളീവുഡ് സൂപ്പര്‍ താരങ്ങളും അവരുടെ ലക്ഷങ്ങൾ വിലമതിയ്ക്കുന്ന വളര്‍ത്തു മൃഗങ്ങളും ആരെയും അതിശയിപ്പിയ്ക്കും.
പ്രിയങ്കാ ചോപ്രയുടെ ഒപ്പം ഇടയ്ക്ക് ഫോട്ടോകളിൽ പ്രത്യക്ഷപ്പെടാറുള്ള ഇത്തിരി കുഞ്ഞൻ നായക്കുട്ടിയെ ശ്രദ്ധിച്ചിട്ടുണ്ടോ.. ഇൻസ്റ്റഗ്രാം പേജിൽ ഇടയ്ക്ക് പ്രത്യക്ഷപ്പെടുന്ന ഈ നായക്കുട്ടിയല്ലാതെ ചവാവ എന്ന ഒരു ബ്രീഡിനെയും പ്രിയങ്ക ചോപ്ര സ്വന്തമാക്കിയിരിയ്ക്കുകയാണ്. 15,000 രൂപ മുതൽ 25,000 രൂപ വരെ വില വരുന്ന വളര്‍ത്തു നായയേക്കാൾ ചെലവ് ഇതിൻെറ പരിചരണത്തിനാണ്.
10 മുതൽ 12 വര്‍ഷങ്ങൾ വരെയൊക്കെ മാത്രമേ ഇവ ജീവിച്ചിരിയ്ക്കൂ. പ്രിയങ്കാ ചോപ്രയുടെ ഡയാന എന്ന നായക്കുട്ടി പ്രിയങ്കയുടെ യാത്രകൾക്ക് ഒപ്പം കൂടാറുണ്ട്. സെറ്റിലും സെലിബ്രിറ്റി പരിചരണങ്ങൾ തന്നെയാണ് നായക്കുട്ടിയ്ക്ക് ലഭിയ്ക്കുന്നത് പ്രിയങ്കാ ചോപ്രയുടെ ഭര്‍ത്താവ് നിക്ക് ജോൺസിനുമുണ്ട് വളര്‍ത്തു നായകളോടുള്ള ഈ സ്നേഹം. നിക്കിൻെറ അപൂര്‍വ ഇനം വളര്‍ത്തു നായകളും ആരാധകരുടെ ഓമനകൾ തന്നെയാണ്.
ഹൃഥ്വിക് റോഷനും സൽമാൻ ഖാനും ഒക്കെയുണ്ട് വിലയേറിയ വളര്‍ത്തു നായകൾ. ഹൃഥ്വിക് റോഷൻെറ നായ ഗോൾഡൻ റിട്രീവറാണ്. പേര് സെയിൻ. അമിതാഭ് ബച്ചനും ജോൺ എബ്രഹാമിനും പിന്നാലെ സൽമാൻ ഖാൻ ആണ് ഒട്ടേറെ വളര്‍ത്തു നായകൾ ഉള്ള ബോളീവുഡിലെ മറ്റൊരു താരം. മസ്തിഫ്, ബര്‍നാര്‍ഡ്, ലാബ്രാഡര്‍ എന്നിങ്ങനെ ഒട്ടേറെ വളര്‍ത്തു നായകൾ സൽമാനുണ്ട്
