10,000 രൂപയ്ക്ക് താഴെ വിലയുമായി സാംസങ് ഗാലക്‌സി M02 വരുന്നു, ലോഞ്ച് 7ന്
ദക്ഷിണ കൊറിയൻ ടെക്നോളജി കമ്പനിയായ സാംസങ് തങ്ങളുടെ ഗാലക്‌സി M02 ശ്രേണിയിലേക്ക് പുത്തൻ ഫോൺ അവതരിപ്പിക്കുകയാണ്. 10,000 രൂപയ്ക്ക് താഴെ വിലയുമായി സാംസങ് ഗാലക്‌സി M02 ആണ് ഈ മാസം 7ന് വിപണിയിലെത്തുക. 4 ജിബി റാമുള്ള 10,000 രൂപയ്ക്ക് താഴെ വിലയുള്ള ഗാലക്‌സി ശ്രേണിയിലെ ആദ്യ ഫോൺ ആയിരിക്കും ഗാലക്‌സി M02.
സാംസങ് ഗാലക്‌സി M02-യുടെ വരവിന് മുന്നോടിയായി മൈക്രോസെറ്റ് ആരംഭിച്ചു കഴിഞ്ഞു. സെഗ്മെന്റിലെ ഏറ്റവും മികച്ച ഗെയിമിംഗ്, സ്ട്രീമിംഗ്, ബ്രൗസിംഗ്, ഫോട്ടോഗ്രാഫി എന്നിവ ഗാലക്‌സി M02 നൽകും എന്ന അവകാശവാദവുമായാണ് ഗാലക്‌സി M02-യുടെ വരവ്.
6.5 ഇഞ്ച് എച്ച്ഡി + ഇൻഫിനിറ്റി വി ഡിസ്പ്ലേ, 4 ജിബി റാം, 5,000 എംഎഎച്ച് ബാറ്ററി എന്നിവ ഫോണിനുണ്ടാകും എന്നാണ് സാംസംഗിൽ നിന്നും ലഭ്യമാവുന്ന വിവരങ്ങൾ. താരതമ്യേന കട്ടിയുള്ള ബെസലുകളും ഗാലക്‌സി M02-നുണ്ടാകും എന്ന് മൈക്രോസൈറ്റ് വ്യക്തമാക്കുന്നു. പവർ, വോളിയം ബട്ടണുകൾ ഫോണിന്റെ വലതുവശത്താണ് ക്രമീകരിച്ചിരിക്കുന്നത്.
റിപ്പോർട്ടുകൾ അനുസരിച്ച് സ്നാപ്ഡ്രാഗൺ 450 SOC ആയിരിക്കും സാംസങ് ഗാലക്‌സി M02-ന്റെ ഹൃദയം. 4 ജിബി റാമുള്ള പതിപ്പ് കൂടാതെ 3 ജിബി റാമും 32 ജിബി സ്റ്റോറേജുമുള്ള വേരിയന്റിലും ഗാലക്‌സി M02 വില്പനക്കെത്തും.
13 മെഗാപിക്സൽ പ്രൈമറി സെൻസറും 2 മെഗാപിക്സൽ കപ്പാസിറ്റിയുള്ള 2 സെൻസറുകളുമുള്ള ട്രിപ്പിൾ കാമറ സജ്ജീകരണം ആയിരിക്കും സാംസങ് ഗാലക്‌സി M02-ന്. 15W ഫാസ്റ്റ് ചാർജിംങ് പിന്തുണയുള്ള 5,000mAh ബാറ്ററി മികച്ച സ്റ്റാൻഡ് ബൈ ടൈം നൽകും എന്നും സാംസങ് പറയുന്നു.
5.7-ഇഞ്ച് എച്ഡി+ ഡിസ്പ്ലേ, ഡ്യുവൽ പിൻ കാമറ, 4,000mAh ബാറ്ററി എന്നിവയുള്ള ഗാലക്‌സി M01-ന്റെ പിൻഗാമിയായാണ് ഗാലക്‌സി M02-ന്റെ വരവ്. അതുകൊണ്ട് തന്നെ 7,999 രൂപ വിലയുള്ള ഗാലക്‌സി M01-നേക്കാൾ വില സ്വാഭാവികമായും ഗാലക്‌സി M02-ന് പ്രതീക്ഷിക്കാം.
