2 GB Data സൗജന്യം എയർടെൽ ഉപയോക്താക്കൾക്ക്  

ഇന്ത്യയിലെ മുൻനിര ടെലിക്കോം ഓപ്പറേറ്ററായ എയർടെൽ ഉപയോക്താക്കൾക്ക് മികച്ച ഓഫറുകൾ നൽകുന്നുണ്ട്. പുതിയ ഓഫറുകൾ നൽകുന്നതിന്റെ ഭാഗമായി എയർടെൽ നിരവധി ബ്രാൻഡുകളുമായി ചേർന്ന് പ്രവർത്തിക്കുന്നുണ്ട്. ഇത്തരത്തിൽ പുതിയൊരു ഓഫർ കൂടി പ്രഖ്യാപിച്ചിരിക്കുകയാണ് എയർടെൽ. പെപ്സികോ ഇന്ത്യയുമായി ചേർന്നാണ് എയർടെൽ 4ജി ഡാറ്റ സൌജന്യമായി നൽകുന്നത്. ഈ ഓഫറിലൂടെ 2 ജിബി 4ജി സൌജന്യ ഡാറ്റയാണ് ഉപയോക്താക്കൾക്ക് ലഭിക്കുന്നത്

ഉപയോക്താക്കൾ 10 രൂപയോ 20 രൂപയോ നൽകി പെപ്സികോയുടെ പ്രൊഡക്ടുകൾ വാങ്ങുമ്പൾ 1 ജിബി, 2 ജിബി ഡാറ്റകൾ ലഭിക്കും. ഈ ഓഫർ അടുത്ത വർഷം ജനുവരി 30 വരെ ഉണ്ടാകുമെന്നാണ് റിപ്പോർട്ടുകൾ. കുറച്ച് ദിവസങ്ങൾക്ക് മുമ്പ് എയർടെൽ ചെയർമാൻ താരിഫ് നിരക്കുകൾ വർധിപ്പിക്കുന്നതുമായി ബന്ധപ്പെട്ട സൂചനകൾ നൽകിയതിന് പിന്നാലെയാണ് പുതിയ ഓഫർ പ്രഖ്യാപിച്ചിരിക്കുന്നത്. ഒരു ഉപയോക്താവിൽ നിന്നുള്ള ശരാശരി വരുമാനം 200 മുതൽ 300 രൂപ വരെ ആയി ഉയർത്തുകയെന്നതാണ് എയർടെല്ലിന്റെ ലക്ഷ്യം.