65 ശതമാനം വരെ ഓഫറുമായിറുപേ കാര്‍ഡ് പര്‍ച്ചേസുകൾ
ന്യൂഡൽഹി: റൂപേ കാര്‍ഡ് ഉപയോഗിയ്ക്കുന്നുണ്ടോ? നിങ്ങളുടെ കാര്‍ഡ് ഉപയോഗിച്ച് നടത്തുന്ന പര്‍ച്ചേസുകൾക്ക് മികച്ച ഓഫറുകൾ. നാഷണൽ പെയ്മെൻറ് കോര്‍പ്പറേഷൻ ഓഫ് ഇന്ത്യയാണ് ഓഫറുകൾ പ്രഖ്യാപിച്ചത്. വിവിധ ബ്രാൻഡുകളുടെ ഉത്പന്നങ്ങൾ റുപേ കാര്‍ഡ് ഉപയോഗിച്ച് വാങ്ങുന്നവര്‍ക്ക് 65 ശതമാനം വരെയാണ് ഓഫര്‍.
റുപേ ഫെസ്റ്റീവ് കാര്‍ണൽ എന്ന ഫെസ്റ്റീവ് ഓഫറാണ് എൻപിസിഐ പ്രഖ്യാപിച്ചിരിയ്ക്കുന്നത്. കൊവിഡ് കാലത്ത് സുരക്ഷിതമായ കോൺടാക്ട്‍ലെസ് പണം ഇടപാടുകൾ പ്രോത്സാഹിപ്പിയ്ക്കുന്നതിൻെറ ഭാഗമായാണ് ഓഫര്‍. റുപേ കാര്‍ഡ് ഉടമകൾക്ക് ഹെൽത്ത്, ഫിറ്റ്നസ്, തുടങ്ങി വിവിധ മേഖലകളിൽ ഇ-കൊമേഴ്സ് പ്ലാറ്റ്‍ഫോമുകളിൽ ഉൾപ്പെടെ ആനുകൂല്യം ലഭിയ്ക്കും.
ഭക്ഷ്യ വിതരണം, വെൽനെസ്, ഷോപ്പിങ് കാറ്റഗറികളിലും ഓഫര്‍ ലഭ്യമാണ്. ആമസോൺ, സ്വിഗ്ഗി, സാംസങ് എന്നിവയ്ക്ക് പുറമെ പ്രമുഖ ബ്രാൻഡുകൾ 10 മുതൽ 65 ശതമാനം വരെ ഓഫറുകൾ നൽകുന്നുണ്ട് എന്ന് എൻപിസിഐ സൂചിപ്പിയ്ക്കുന്നു.
Rupay100 എന്ന കോഡ് നൽകിയാൽ സ്വിഗ്ഗി ഓര്‍ഡറുകൾക്ക് ഇളവ് ലഭിയ്ക്കും. മിന്ത്രയിൽ 15 ശതമാനം ആണ് ഓഫര്‍ . ആമസോണിൽ 20 ശതമാനം ഇൻസ്റ്റൻറ് ഓഫറാണ് റുപേ കാര്‍ഡ് ഉടമകൾക്ക് ലഭിയ്ക്കുക.
റൂപേ കാര്‍ഡ് നവീകരിയ്ക്കാനും ഏറ്റവും ജനപ്രിയമായ പെയ്മെൻറ് സംവിധാനം ആക്കാനും എൻപിസിഐ വിവിധ പദ്ധതിൾ നടപ്പാക്കുന്നുണ്ട്. അവയുടെ ഭാഗമാണ് റുപേ കാര്‍ഡ് ഫെസ്റ്റീവ് ഓഫറുകളും.
