സോണ്‍ ലെവല്‍ ഇ-മാഗസിന്‍ മത്സരത്തില്‍ ഒന്നാം സ്ഥാനം കരസ്ഥമാക്കി ജെ.സി.ഐ. കാരശ്ശേരി!
കോഴിക്കോട്, മലപ്പുറം, പാലക്കാട് തുടങ്ങിയ മൂന്നു ജില്ലകള്‍ ഉള്‍പ്പെടുന്ന ജെ.സി.ഐ. ഇന്ത്യയുടെ സോണ്‍ 21 അര്‍ദ്ധ വാര്‍ഷിക ആഘോഷങ്ങളുടെ ഭാഗമായി സംഘടിപ്പിച്ച ഇ-മാഗസിന്‍ മത്സരത്തിലാണ് കോഴിക്കോട് ജില്ലയിലെ ജെ.സി.ഐ കാരശ്ശേരിക്ക് ഒന്നാം സ്ഥാനം ലഭിച്ചത്. മൂന്നു ജില്ലകളിലായി നൂറിലധികം ജെ.സി.ഐ. ചാപ്റ്ററുകളില്‍ നിന്നാണ് കാരശ്ശേരി ചാപ്റ്റര്‍ പങ്കെടത്ത് ഈ നേട്ടം കൊയ്തത്.
ജെ.സി.ഐ. കാരശ്ശേരിയുടെ പ്രസിഡന്റ് ജെ.സി. നിയാസ് തിരുവമ്പാടി, ചാപ്റ്റര്‍ മാഗസിന്‍ എഡിറ്ററും ഇ-മാഗസിന്റെ ഡിസൈഗ്നറുമായ ജെ.സി. റിയാസ് കുങ്കഞ്ചേരി എന്നിവരാണ് ജെ.സി.ഐ. കാരശ്ശേരിക്ക് ഈ അഭിമാന മുഹൂര്‍ത്തം സമ്മാനിച്ചത്. ജെ.സി.ഐ. സോണ്‍ പ്രസിഡന്റ് ജെ.സി.ഐ. സെന്‍. ദീപേഷ് നായര്‍, സോണ്‍ ഡയറക്ടര്‍ മാനേജ്‌മെന്റ് ജെ.സി.ഐ. സെന്‍. രാഗേഷ് മേനോന്‍, സോണ്‍ എഡിറ്റര്‍ ജെ.എഫ്.എം. ഫാസില്‍ ടി. എന്നിവര്‍ ഇ-മാഗസിന്‍ മത്സരങ്ങളുടെ പ്രവര്‍ത്തനങ്ങള്‍ക്ക് നേതൃത്വം നല്‍കി.
ജെ.സി.ഐ. കാരശ്ശേരി രൂപീകരിച്ച ആദ്യ വര്‍ഷം തന്നെ ഇത്തരമൊരു അംഗീകാരം തേടി എത്തിയത് ഏറെ സന്തോഷം നല്‍കുന്നതാണെന്നും ഇത് കൂടുതല്‍ മികച്ച പ്രവര്‍ത്തനങ്ങല്‍ക്കായി ശക്തി പകരുന്നതാണെന്നും ജെ.സി.ഐ. കാരശ്ശേരി പ്രസിഡന്റും മാഗസിന്‍ എഡിറ്ററും ബൂം ടൈംസ് മാഗസിനോടു പറഞ്ഞു.
