വേഗതയേറിയ ക്ലോൺ ട്രെയിനുകളുമായി റെയിൽവെ  

ന്യൂഡൽഹി: സ്പെഷ്യൽ ട്രെയിനുകളേക്കാൾ വേഗതയേറിയ ക്ലോൺ ട്രെയിനുകളുമായി റെയിൽവേ. 40 പുതിയ ട്രെയിനുകളാണ് റെയിൽവേ അവതരിപ്പിയ്ക്കുന്നത്. റെയിൽവേ മന്ത്രാലയം ഇതു സംബന്ധിച്ച വിജ്ഞാപനം പുറപ്പെടുവിച്ചിട്ടുണ്ട്. സെപ്റ്റംബര്‍ 21 മുതൽ ഇവയുടെ പ്രവര്‍ത്തനം തുടങ്ങും എന്നാണ് സൂചന.

സാധാരണ സ്പെഷ്യൽ ട്രെയിനുകളിൽ റിസര്‍വേഷൻ ലഭിയ്ക്കാത്ത വെയിറ്റിങ് ലിസ്റ്റിലുള്ളവര്‍ക്ക് ക്ലോൺ ട്രെയിനുകൾ സഹായകരമാകും. സെപ്റ്റംബര്‍ 19 മുതൽ ക്ലോൺ ട്രെയിനുകളിൽ യാത്ര ചെയ്യാൻ റിസര്‍വേഷൻ തുടങ്ങും.

യാത്രയ്ക്ക് 10 ദിവസം മുമ്പു വരെ ടിക്കറ്റ് മുൻകൂട്ടി ബുക്ക് ചെയ്യാനാകും. സ്പെഷ്യൽ ട്രെയിനുകൾക്ക് പകരം ഓടുന്ന ക്ലോൺ ട്രെയിനുകൾക്ക് സ്റ്റോപ്പുകൾ കുറവായിരിയ്ക്കും. വേഗത കൂടുതലും.
ഓരോ സ്പെഷ്യൽ ട്രെയിനിനും പകരം സര്‍വീസ് നടത്തുന്ന ക്ലോൺ ട്രെയിനിന് സ്പെഷ്യൽ ട്രെയിനിൻെറ നമ്പര്‍ തന്നെയായിരിയ്ക്കും.

യാത്രക്കാരുടെ തിരക്ക് കുറയ്ക്കാൻ നിലവിലെ 310 സ്‍പെഷ്യൽ ട്രെയിനുകൾക്ക് പകരം ആയി ആയിരിക്കും ഇവ ഓടുക. നിലവിലുള്ള 230 സ്പെഷ്യൽ ട്രെയിനുകൾക്ക് പുറമെ 80 ട്രെയിനുകൾ കൂടെ ഓടിയ്ക്കും എന്ന് ഇന്ത്യൻ റെയിൽവെ അടുത്തിടെ വ്യക്തമാക്കിയിരുന്നു.
ക്ലോൺ 3 എസി ട്രെയിനുകൾ ആയിരിയ്ക്കും. ജനശതാബ്ദിയ്ക്ക് പകരവും സര്‍വീസുകൾ ഉണ്ടായിരിക്കും. ടിക്കറ്റ് നിരക്ക് സമാനമായിരിക്കും.