ഗൂഗിൾ മാപ്പിൽ ഇനി കോവിഡ് കണക്കുകളുമാറിയാം!!
ഗൂഗിള്‍ മാപ്പില്‍ ഇനി ഓരോ പ്രദേശത്തെയും കൊവിഡ് കണക്കുകള്‍ കാണിക്കുന്ന സവിശേഷത ഒരുക്കാന്‍ ഗൂഗിള്‍. എവിടെ പോകണം എന്നതിനെക്കുറിച്ച്‌ തീരുമാനിക്കാന്‍ മാപ്സിലെ കൊവിഡ് ലെയര്‍ സഹായിക്കുമെന്ന് ഗൂഗിള്‍ പറയുന്നു.
ഗൂഗിള്‍ മാപ്സ് അപ്ലിക്കേഷന്‍ തുറക്കുമ്ബോള്‍, മുകളില്‍ വലത് കോണില്‍ ദൃശ്യമാകുന്ന ലെയര്‍ ബട്ടണ്‍ ടാപ്പുചെയ്യേണ്ടതുണ്ട്.
ഇവിടെ, ”കൊവിഡ് -19 വിവരം”എന്ന ലെയറില്‍ ടാപ്പുചെയ്യണം. മാപ്സിലെ ഏരിയയില്‍ ഒരു ലക്ഷം ആളുകളിലെ ഏഴ് ദിവസത്തെ പുതിയ കൊവിഡ് കേസുകള്‍ ലെയര്‍ കാണിക്കും.
കേസുകള്‍ പെട്ടന്ന് മനസ്സിലാക്കാന്‍ പ്രത്യേക നിറങ്ങളും നല്‍കുന്നുണ്ട്.ഗൂഗിള്‍ മാപ്സ് പിന്തുണയ്ക്കുന്ന എല്ലാ രാജ്യങ്ങളിലും ട്രെന്‍ഡു ചെയ്യുന്ന കേസ് ഡാറ്റ ലഭ്യമാണെന്ന് ഗൂഗിള്‍ പറയുന്നു.ഈ ഡാറ്റയില്‍ രാജ്യം സംസ്ഥാനം, നഗരതലത്തിലുള്ള വിവരങ്ങള്‍ എന്നിവ ലഭ്യമാകുന്നു.
ഗൂഗിള്‍ മാപ്സിലെ കൊവിഡ് ലെയറിലെ വിവരങ്ങള്‍ ജോണ്‍സ് ഹോപ്കിന്‍സ്, ന്യൂയോര്‍ക്ക് ടൈംസ്, വിക്കിപീഡിയ തുടങ്ങിയ ഏജന്‍സികളില്‍ നിന്നുള്ള ഡാറ്റ ആണെന്നും അവ വിശ്വസനീയമായ ഉറവിടങ്ങളായ ലോകാരോഗ്യ സംഘടന, സര്‍ക്കാരുകള്‍, പ്രാദേശിക ആരോഗ്യ ഏജന്‍സികള്‍ എന്നിവയില്‍ നിന്ന് ലഭിക്കുന്നുവെന്നും ഗൂഗിള്‍ വിശദീകരിക്കുന്നു.
ഈ വിവരങ്ങളില്‍ ചിലത് ഇതിനകം തന്നെ ഗൂഗിള്‍ സര്‍ച്ചില്‍ ലഭ്യമാണ്, ഇപ്പോള്‍ ഇത് ഗൂഗിള്‍ മാപ്‌സിലേക്ക് വികസിപ്പിക്കുകയാണെന്ന് ഗൂഗിള്‍ ചൂണ്ടിക്കാട്ടി.
