പുതിയ വയർലെസ്സ് ഇയർ ബഡ്‌സുമായി സോണി ഇന്ത്യയിൽ !  

പുതിയ ട്രൂ വയര്‍ലെസ്​ ഇയര്‍ബഡ്​സുമായി സോണി ഇന്ത്യയില്‍. ഡബ്ല്യു.എഫ്​-എച്ച്‌​800 എന്ന മോഡലാണ്​ കിടിലന്‍ ഫീച്ചറുകളുമായി അവതരിപ്പിച്ചിരിക്കുന്നത്​. ഒരേ സമയം ഗൂഗ്​ള്‍ അസിസ്റ്റന്‍റ്​, അലെക്സ, സിരി എന്നീ വോയ്​സ്​ അസിസ്റ്റന്‍റുകള്‍ സപ്പോര്‍ട്ട്​ ചെയ്യുന്ന ഇയര്‍ബഡ്​സ്​ എന്ന പ്രത്യേകതയും ഡബ്ല്യു.എഫ്​-എച്ച്‌​800നുണ്ട്​. വ്യത്യസ്​തവും സുന്ദരവുമായ ഡിസൈനിലാണ്​ നിര്‍മാണം.

14,990 രൂപക്ക്​ ഇന്ത്യയിലെത്തിയ ഇയര്‍ബഡ്​സ്​ ഫ്ലിപ്​കാര്‍ട്ടിലും സോണി റീ​െട്ടയില്‍ സ്​റ്റോറുകളിലും ലഭ്യമായി തുടങ്ങിയിട്ടുണ്ട്​. നിലവില്‍ കറുത്ത കളറുള്ള ഒറ്റ മോഡലാണ്​ സോണി പുറത്തിറക്കിയിരിക്കുന്നത്​. ഇയര്‍ബഡ്​സ്​ ഉള്‍കൊള്ളുന്ന കെയ്​സില്‍ നിന്നും രണ്ട്​ തവണ ഫുള്‍ ചാര്‍ജ്​ ചെയ്യാവുന്നതാണ്​.ഒറ്റ ചാര്‍ജില്‍​ എട്ട്​ മണിക്കൂര്‍ ഉപയോഗിക്കാന്‍ കഴിയും. പത്ത്​ മിനിറ്റ്​ ചാര്‍ജ്​ ചെയ്​താല്‍ 70 മിനിറ്റ്​ ഉപയോഗിക്കാമെന്നും കമ്ബനി വാഗ്​ദാനം ചെയ്യുന്നു.

ഡൗണ്‍ലോഡ്​ ചെയ്​തു വെക്കുന്ന പാട്ടുകളും മ്യൂസിക്​ സ്​ട്രീമിങ്​ ആപ്പുകളില്‍ കംപ്രെസ്​ ചെയ്​തിട്ടുള്ള പാട്ടുകളും കൂടുതല്‍ മികവോടെ കേള്‍ക്കാനായി ഡിജിറ്റല്‍ സൗണ്ട്​ എന്‍ഹാന്‍സ്​മെന്‍റ്​ എഞ്ചിന്‍ HX (DSEE HX) ​െന്‍റ പിന്തുണയും സോണിയുടെ ഡബ്ല്യു.എഫ്​-എച്ച്‌​800ലുണ്ട്​​. 6 എംഎം ഉള്ള നിയോഡിമിയം ഡ്രൈവറും പത്ത്​ മീറ്റര്‍ വരെ കണക്ഷന്‍ പോകാതെ സഹായിക്കുന്ന ബ്ലൂട്ടൂത്ത്​ 5.0യുടെ പിന്തുണയും നല്‍കിയിരിക്കുന്നു​. SBC, AAC എന്നീ ഒാഡിയോ ഫോര്‍മാറ്റുകള്‍ പ്ലേ ചെയ്യാന്‍ പറ്റുമെങ്കിലും ഉയര്‍ന്ന LDAC ഫോര്‍മാറ്റിലുള്ള പാട്ടുകള്‍ കേള്‍ക്കാന്‍ സാധിക്കില്ല. വാട്ടര്‍ പ്രൂഫിങ്​, ആക്​ടീവ്​ നോയ്​സ്​ കാന്‍സിലേഷന്‍ സപ്പോര്‍ട്ട്​ എന്നിവയില്ലാത്തതും പോരായ്​മയാണ്​. എന്നാല്‍, ഒാ​േട്ടാമാറ്റിക്​ എ.​െഎ നോയ്​സ്​ കാന്‍സിലേഷന്‍ തങ്ങള്‍ ഉള്‍പ്പെടുത്തിയിട്ടുണ്ടെന്ന്​ സോണി അറിയിച്ചു.