ഇന്ത്യയിൽ എഫ് സീരീസ് ലോഞ്ച് ചെയ്ത് സാംസങ് ഗാലക്സി!!
എ സീരീസ്, എം സീരീസ് ഫോണുകളുടെ വന്‍ വിജയത്തിന് പിന്നാലെ തങ്ങളുടെ എഫ് സീരീസിലുള്ള ഫോണുകളുടെ ലോഞ്ചിങ്ങിനെ കുറിച്ച്‌ സാംസങ് ഏറെ കാലമായി സൂചന നല്‍കിയിരുന്നു. ഒടുവില്‍ ഇന്ത്യയില്‍ ഫോണ്‍ അവതരിപ്പിക്കാനൊരുങ്ങുകയാണ് കമ്ബനി. ഗാലക്സി എഫ് 41 എന്ന പേരില്‍ ഇറങ്ങുന്ന ആദ്യത്തെ ഫോണ്‍ അടുത്ത മാസം എട്ടാം തീയതി ഇന്ത്യയില്‍ റിലീസ് ചെയ്യും. മറ്റ് ഫോണുകളെ അപേക്ഷിച്ച്‌ ക്യാമറക്ക് മുന്‍തൂക്കം നല്‍കുന്ന മോഡലാണ് എഫ് സീരീസിലുണ്ടാവുക.
സൂപ്പര്‍ അമോലെഡ് ഡിസ്പ്ലേയാണ് എഫ് 41ന്. പിറകില്‍ മൂന്ന് ക്യാമറകളും നല്‍കിയിട്ടുണ്ട്. 6000 എം.എ.എച്ച്‌ ബാറ്ററിയുമായി എത്തുന്ന ഫോണ്‍ ഒരു ശരാശരി യൂസറിന് രണ്ട് ദിവസം ചാര്‍ജ് ചെയ്യാതെ തന്നെ ഉപയോഗിക്കാം.
