സ്മാർട്ട്‌ ടിവികൾ വിപണിയിലെത്തിച്ച് നോക്കിയ !  

സ്മാര്‍ട്ട് ഫോണുകള്‍ക്ക് പിന്നാലെ ടിവികള്‍ കൂടി ഇന്ത്യന്‍ വിപണിയിലെത്തിച്ച്‌ നോക്കിയ. ആറ് സ്മാര്‍ട്ട് ടിവികളാണ് അവതരിപ്പിച്ചിരിക്കുന്നത്. 32-ഇഞ്ച് വലുപ്പമുള്ള എച്ഡി ടിവിയാണ് പ്രാരംഭ മോഡല്‍, 12,999 രൂപയാണ്.ഇതിന്റെ വില. 43-ഇഞ്ച് ഫുള്‍-എച്ഡി മോഡല്‍ (22,999 രൂപ), 43-ഇഞ്ച് 4കെ അള്‍ട്രാ എച്ഡി (28,999 രൂപ), 50-ഇഞ്ച് 4കെ (33,999 രൂപ), 55-ഇഞ്ച് 4കെ (39,999 രൂപ) എന്നിവയാണ് മറ്റു ടിവികള്‍.

65-ഇഞ്ച് അള്‍ട്രാ എച്ഡി 4കെ മോഡലാണ് ഏറ്റവും ഉയര്‍ന്ന മോഡല്‍. 59,999 രൂപയാണ് വില. 6ഡി ശബ്ദ സംവിധാനമാണ് പ്രധാന പ്രത്യേകത. ഫ്‌ളിപ്കാര്‍ട്ടിലൂടെയായിരിക്കും ടിവികളുടെ വില്‍പ്പന. ബിഗ് ബില്യണ്‍ ഡേയ്‌സ് ആരംഭിക്കാന്‍ ദിവസങ്ങള്‍ ബാക്കി നില്‍ക്കെയാണ് നോക്കിയ സ്മാര്‍ട്ട് ടിവി വില്പനക്കെത്തിച്ചിരിക്കുന്നത്.