ടാറ്റ മോട്ടോര്‍സ് 4×2 വിഭാഗത്തിലേക്ക് സിഗ്ന 5525 എസ് പുറത്തിറക്കി.
രാജ്യത്തെ പ്രമുഖ വാണിജ്യ വാഹന നിര്‍മ്മാതാക്കളായ ടാറ്റ മോട്ടോര്‍സ് 4×2 വിഭാഗത്തിലേക്ക് സിഗ്ന 5525 എസ് പുറത്തിറക്കി. ടാറ്റ മോട്ടോഴ്സിന്റെ പവര്‍ ഓഫ് 6 ആശയം അടിസ്ഥാനമാക്കിയാണ് രൂപകല്‍പ്പന ചെയ്തിരിക്കുന്നത്.
55ടണ്‍ ഭാര വഹന ശേഷിയുള്ള സിഗ്ന ഉപഭോക്താക്കള്‍ക്ക് ചിലവ് കുറച്ച്‌ പരമാവധി ലാഭം ഉറപ്പുവരുത്തും എന്നാണ് കമ്ബനി പറയുന്നത്. സിഗ്നക്ക് ടാറ്റ മോട്ടോര്‍സ് ആറ് വര്‍ഷത്തെ അല്ലെങ്കില്‍ ആറ് ലക്ഷം കിലോമീറ്ററുകളുടെ വാറന്റി വാഗ്ദാനം നല്‍കുന്നുണ്ട്. 250എച്ച്‌പി പവറും, 1000-1800ആര്‍പിഎമ്മില്‍ 950 എന്‍എം ടോര്‍ക്കും 6.7 ലിറ്റര്‍ കുമ്മിന്‍സ് എന്‍ജിന്‍ നല്‍കുന്നു. ബിഎസ് 6 വാഹന ശ്രേണിയിലാകും പുതിയ ഉല്‍പന്ന നിരയെത്തുക.
പുതിയ വാഹന നിരയെ വ്യത്യസ്തമാക്കുന്നത് മികച്ച കാര്യക്ഷമതയും സവിശേഷമായ പ്രത്യേകതകളുമാണ്. ടാറ്റ മോട്ടോര്‍സ് സബ് 1 ടണ്‍ മുതല്‍ 55 ടണ്‍ വരെ ഗ്രോസ് വെഹിക്കിള്‍ / കോമ്ബിനേഷന്‍ വെയ്റ്റ് നിരയിലെ വാഹനങ്ങള്‍ വിപണിയില്‍ അവതരിപ്പിച്ചിരുന്നു പ്രിമിയം ടഫ് ഡിസൈന്‍ ആണ് ഈ വാഹന നിരയുടെ സവിശേഷത. റിപ്പോര്‍ട്ട് പ്രകാരം ഫ്‌ളീറ്റ് ഓപ്പറേറ്റര്‍മാരുടെ ചെലവ് കുറയ്ക്കാന്‍ ഇത് സഹായിക്കും. കൂടാതെ, മധ്യവര്‍ഗ ട്രാന്‍സ്‌പോര്‍ട്ട് ഓപ്പറേറ്റര്‍മാര്‍ ചെറുകിട ട്രാന്‍സ്പോര്‍ട്ടര്‍മാര്‍ എന്നിവര്‍ക്കും അനുയോജ്യമാണിത്.
