ഇന്ത്യയിലെ ഇ – വ്യാപാരത്തിൽ പ്രതീക്ഷിക്കുന്നത് 40% വര്‍ദ്ധന!!!
ഇന്ത്യയുടെ ഇ – വ്യാപാരത്തില്‍ ഇക്കൊല്ലം 40% വര്‍ദ്ധിനവുണ്ടാകുമെന്നാണ് പ്രതീക്ഷ. കഴിഞ്ഞ വര്‍ഷം 23% ആയിരുന്നു വളര്‍ച്ച. ഉപഭോക്താക്കളുടെ എണ്ണം കഴിഞ്ഞ വര്‍ഷത്തെ 135 ദശലക്ഷത്തില്‍ നിന്ന് 160 ദശലക്ഷം ആകുമെന്നും കരുതപ്പെടുന്നു.
ലോകത്തെ നാലാമത്തെ വലിയ റീട്ടെയ്ല്‍ മാര്‍ക്കറ്റാണ് ഇന്ത്യയുടേത്. അതും അസംഘടിതമായ വ്യാപാരമാണ് ബഹുഭൂരിഭാഗവും. ഈ മേഖല പിടിച്ചടക്കുകയാണ് ഇ വിപണിയിലെ എല്ലാ വമ്പന്മാരുടെയും ലക്ഷ്യം. രാജ്യത്തെ 850 പട്ടണങ്ങളിലായി ആമസോണ്‍ 20000 ലോക്കല്‍ ഷോപ്പുകളെയും ഫ്ളിപ്പ്കാര്‍ട്ട് 50,000 ലോക്കല്‍ ഷോപ്പുകളെയും ഉള്‍പ്പെടുത്തി വിതരണ ശൃംഖല ശക്തിപ്പെടുത്തുന്നുമുണ്ട്.
