വാട്സാപ്പിൽ പുതിയ ഫീച്ചർ!
വോയ്സ്, വിഡിയോ കോളിങ് ഓപ്ഷന്‍ വാട്സ് ആപ് വെബിനും നല്‍കാനൊരുങ്ങി കമ്പനി. പുതിയ അപ്ഡേറ്റില്‍ ഫീച്ചര്‍ ലഭ്യമാവുമെന്നാണ് റിപ്പോര്‍ട്ടുകള്‍. ഇതിന്റെ പരീക്ഷണങ്ങള്‍ പുരോഗമിക്കുകയാണെന്ന് വാബീറ്റഇന്‍ഫോ റിപ്പോര്‍ട്ട് ചെയ്യുന്നു. ഏതാനം ആഴ്ചകള്‍ക്കുള്ളില്‍ ഫീച്ചര്‍ പുറത്തിറങ്ങിയേക്കും.
പുതിയ ഫീച്ചറിന്റെ സ്ക്രീന്‍ഷോട്ടുകളും വ്യാപകമായി പ്രചരിക്കുന്നുണ്ട്. വാട്സ് ആപ് വെബിലേക്ക് ഇന്‍കമിങ് കോള്‍ വരുന്നതിന്റെ ചിത്രമാണ് പ്രചരിക്കുന്നത്. ഈ ചിത്രത്തില്‍ കോള്‍ ചെയ്യാനുള്ള ഓപ്ഷനും കാണാം. വാട്സ് ആപ് വെബിലേക്ക് ഗ്രൂപ്പ് കോളിങ് ഫീച്ചറും വൈകാതെ എത്തുമെന്ന് വാബീറ്റഇന്‍ഫോയുടെ റിപ്പോര്‍ട്ടില്‍ പറയുന്നുണ്ട്.
