ഇന്ത്യൻ ഓയിലിൻ 8138 കോടി രൂപയുടെ ലാഭം!
ഇന്ത്യന്‍ ഓയില്‍ നടപ്പ്‌ സാമ്പത്തിക വര്‍ഷം 8138 കോടി രൂപ ലാഭം രേഖപ്പെടുത്തി. 2020-21 അര്‍ധ വാര്‍ഷികത്തില്‍ കമ്പനിയുടെ മൊത്തം വരുമാനം 2,04,686 കോടി രൂപയാണ്‌. 2019-20-ല്‍ ഇത്‌ 2,82,514 കോടി രൂപയായിരുന്നു. പ്രവര്‍ത്തന വരുമാനം രണ്ടാം പാദത്തില്‍ 1,15,749 കോടിയാണ്‌. മുന്‍ വര്‍ഷം ഇത്‌ 1,32,377 കോടി രൂപയായിരുന്നു. രണ്ടാം പാദത്തില്‍ ലാഭം 6227 കോടി രൂപയായിരുന്നെങ്കില്‍ മുന്‍വര്‍ഷം ഇതു കേവലം 563 കോടി രൂപയായിരുന്നു.
നടപ്പു സാമ്പത്തിക വര്‍ഷം ആദ്യ ആറു മാസക്കാലം 35.403 ദശലക്ഷം മെട്രിക്‌ ടണ്‍ ഉല്‍പ്പന്നങ്ങള്‍ കമ്ബനി വിറ്റഴിച്ചതായി ഇന്ത്യന്‍ ഓയില്‍ ചെയര്‍മാന്‍ എസ്‌.എം. വൈദ്യ അറിയിച്ചു. കയറ്റുമതിയും ഇതില്‍ ഉള്‍പ്പെടും.റിഫൈനറികളിലെ മൊത്തം ഉല്‍പ്പാദനം ആദ്യ ആറു മാസത്തില്‍ 26.899 ദശലക്ഷം മെട്രിക്‌ ടണ്ണാണ്‌.
