ഇന്ത്യൻ അരിക്ക് അന്താരാഷ്ട്ര വിപണിയില്‍ ഡിമാന്‍ഡ്!
ന്യൂഡല്‍ഹി: ഇന്ത്യന്‍ അരിക്ക് അന്താരാഷ്ട്ര വിപണിയില്‍ ഡിമാന്‍ഡ് ഉയരുന്നു. ചൈന, ബംഗ്ളാദേശ്, മലേഷ്യ എന്നിവിടങ്ങളില്‍ നിന്നും കോംഗോ, കാമറൂണ്‍, മഡഗാസ്കര്‍, മൊസാംബിക് തുടങ്ങിയ ആഫ്രിക്കന്‍ രാജ്യങ്ങളില്‍ നിന്നും അരിക്ക് പുതിയ ആവശ്യക്കാരുണ്ട്. ഏപ്രില്‍ – ഒക്ടോബര്‍ കാലയളവില്‍ ബസുമതി ഇനം കൂട്ടാതെ തന്നെ 60 ലക്ഷം ടണ്‍ അരി കയറ്റുമതി ചെയ്തു കഴിഞ്ഞു. കഴിഞ്ഞ വര്‍ഷത്തേക്കാള്‍ 20% അധികമാണിത്. മൂല്യത്തിലാകട്ടെ ഇരട്ടിയിലധികമാണ് വര്‍ദ്ധനവ്.ഇന്ത്യയില്‍ നിന്നുള്ള ബസുമതി അരിക്ക് തന്നെയാണ് വിദേശത്ത് ഏറ്റവും അധികം ഡിമാന്‍ഡുള്ളത്. കാര്‍ഷിക ഉത്പന്നങ്ങളില്‍ ഏറ്റവും അധികം കയറ്റുമതി ചെയ്യുന്നതും ബസുമതി അരിയാണ്.
